aqorda_resmi
«شىن مانىندە, قازاقستاندا الەمنىڭ بەدەلدى وقۋ ورىندارىمەن باسەكەلەسە الاتىن مىقتى مەكتەپتەر بار. بىراق ونداي ءبىلىم وشاقتارىندا بالالارىمىزدىڭ جۇزدەن ءبىر بولىگى عانا وقيدى.
ال تسيفرلىق شەشىمدەر وزىق پەداگوگيكالىق تاجىريبەنى تەز ءارى ءتيىمدى تۇردە كەڭىنەن تاراتۋعا مۇمكىندىك بەرەدى. سول ارقىلى, ءتىپتى, شالعاي اۋداندارداعى وقۋشىلاردى ەلىمىزدىڭ جانە الەمنىڭ ۇزدىك ۇستازدارىنىڭ ماتەريالدارىمەن جانە ساباقتارىمەن قامتاماسىز ەتۋگە بولادى. سوندىقتان ەلىمىزدەگى بارلىق اۋىل مەكتەبىنە جىلدامدىعى جوعارى ينتەرنەتتى قولجەتىمدى ەتۋ ماسەلەسىن شەشۋ اسا ماڭىزدى. بۇل – ۇكىمەتتىڭ الدىنداعى شۇعىل مىندەت», دەدى مەملەكەت باسشىسى پەداگوگتەر سەزىندە.
ق.توقاەۆ جيىندا اۋىل مەكتەپتەرىنىڭ ينتەرنەتپەن تولىققاندى قامتىلۋىن تىكەلەي ءوزى قاداعالاپ, التى ايدان كەيىن تسيفرلىق دامۋ مينيسترلىگىنەن جانە وبلىس اكىمدەرىنەن جۇكتەلگەن تاپسىرمانىڭ ورىندالۋىن تالاپ ەتەتىنىن دە ەسكەرتتى.
«جالپى, ءبىلىم بەرۋ جۇيەسىن مۇلدە جاڭا دەڭگەيگە شىعارۋ ءۇشىن اۋقىمدى تسيفرلىق ترانسفورماتسيالاۋ جۇمىستارىن جۇرگىزۋىمىز كەرەك. ەڭ الدىمەن, 2027 جىلعا دەيىن ينتەرنەت جەلىسى ءالى تارتىلماعان مەكتەپتەردىڭ ءبارىن جىلدامدىعى جوعارى ينتەرنەتكە قوسۋ قاجەت. بۇل رەتتە ولاردىڭ ارقايسىسىندا جەرگىلىكتى جەلى ورناتىلۋى كەرەك بۇل وزەكتى ماسەلەنى شەشۋگە «قولجەتىمدى ينتەرنەت» ۇلتتىق جوباسى سەپتىگىن تيگىزەدى. سونىمەن قاتار بارلىق مەكتەپ وقۋشىسىنا ساپالى وقىتۋ كونتەنتى بار وزىق تسيفرلىق پلاتفورمالاردىڭ, سونىڭ ىشىندە ەلەكتروندى وقۋلىقتاردىڭ قول جەتىمدىلىگىن قامتاماسىز ەتۋ قاجەت. بۇل رەتتە بارلىق ماتەريال سالالىق ساراپتامادان مۇقيات وتكىزىلۋى كەرەك. وسى ورايدا مەن قايىرىمدىلىقپەن اينالىساتىن ازاماتتاردى, ەڭ الدىمەن, اۋىل مەكتەپتەرىنە كومەكتەسۋگە شاقىرامىن. مۇعالىمدەردى نەگىزگى تسيفرلىق قۇرالداردى قولدانا بىلۋگە ۇيرەتۋ ماڭىزدى. ءاربىر ۇستاز تەك ءوز ءپانىن جەتىك ءبىلىپ قانا قويماي, كەڭ مۇمكىندىكتەرگە جول اشاتىن زاماناۋي تەحنولوگيالاردى دا مەڭگەرۋگە ءتيىس. وقۋ پروتسەسىندە تسيفرلىق شەشىمدەردى قولدانۋ قالىپتى جاعدايعا اينالدى. قاشىقتان وقىتۋ جۇيەسىن بەلسەندى تۇردە ەنگىزۋ قاجەت. ءداستۇرلى جانە ونلاين فورماتتاردى ۇشتاستىرۋ بالالاردىڭ اقپاراتتى ءوز بەتىنشە ىزدەۋ داعدىسىن دامىتىپ, مەكتەپتەگى ورتاعا بەيىمدەلۋ مۇمكىندىكتەرىن ساقتاۋعا ىقپال ەتەدى», دەدى مەملەكەت باسشىسى.
سونداي-اق پرەزيدەنت قاشىقتان وقىتۋ ۇدەرىسى دامىعان ەلدەردە ءساتتى جۇزەگە اسىپ كەلە جاتقانىن ايتىپ, ونلاين وقىتۋ جۇيەسىن دامىتۋدىڭ قۇقىقتىق نەگىزىن قالاۋدى تاپسىردى.
