ءىس-شاراعا توتەنشە جاعدايلار ءمينيسترى سىرىم ءشارىپحانوۆ, كورمە كەيىپكەرلەرى, ازاماتتىق قورعاۋ ورگاندارىنىڭ قىزمەتكەرلەرى, قالا تۇرعىندار قاتىستى. س.ءشارىپحانوۆ ءوزىنىڭ قۇتتىقتاۋ سوزىندە وتكىزىلىپ جاتقان فوتوكورمەنىڭ ماڭىزدىلىعىن اتاپ ءوتىپ: «بۇل جوبانى قولعا الۋداعى ماقسات – تجم قىزمەتكەرلەرى كۇندەلىكتى ورىندايتىن قيىن جۇمىسىن دارىپتەۋ. ءبىزدىڭ قىزمەتكەرلەردىڭ ارقايسى ءۇشىن ونىڭ باتىرلىعىنا, ەرلىگىنە جانە ەرەن ەڭبەگىنە بەرىلگەن باعا ماڭىزدى», دەپ يميدجدىك جوبانى ۇيىمداستىرۋشىلارعا العىسىن ءبىلدىردى.
كورمە «Rizamyz» الەۋمەتتىك جوباسى اياسىندا جىل سايىن اتاپ وتىلەتىن كاسىبي مەرەكە 19 قازان – قۇتقارۋشىلار كۇنى قارساڭىندا ۇيىمداستىرىلىپ وتىر.
«قۇتقارۋشىلار باسقا ادامداردىڭ ءومىرىن امان ساقتاپ قالۋ ءۇشىن باستارىن قاۋىپكە تىگەدى, سوندىقتان ولار ەرەكشە العىس پەن قۇرمەتكە لايىق. كۇن سايىن ءبىز ولاردىڭ وتپەن, زىلزالامەن, سۋمەن ارپالىسىپ, ەرلىك جاساعاندارى تۋرالى ەستيمىز, بىراق ولاردىڭ ەسىمدەرى مەن جۇزدەرى ارقاشان ەكراننان تىس قالادى. سوندىقتان «Rizamyz» الەۋمەتتىك جوباسىن اياسىنداعى كەزەكتى كورمەمىزدى وسى ماماندىققا, ولاردىڭ كاسىبي مەرەكەسى – قۇتقارۋشىلار كۇنىنە وراي ۇيىمداستىرۋدى ءجون كوردىك», دەيدى «BI Group» حولدينگىنىڭ باسقارما توراعاسى اسحات وماروۆ.
جالپى كورمەگە كەلۋشىلەرگە QR كودى بار 112 پورترەت ۇسىنىلادى. ولار – دۇلەي ءزىلزالا, اپاتتار جانە باسقا توتەنشە جاعدايلار كەزىندە ادامدارعا تاۋلىك بويى كومەككە كەلگەن قۇتقارۋشىلار. QR كودتى سكانەرلەۋ ارقىلى فوتوداعى قۇتقارۋشىلار تۋرالى, ولاردىڭ جاساعان ەرلىكتەرى جايلى مالىمەتپەن تانىسۋعا بولادى. بۇل پورترەتتەر – كۇن سايىن وزدەرىنىڭ كۇردەلى, بىراق وسىنداي ماڭىزدى قىزمەتىن اتقاراتىن ازاماتتىق قورعاۋ ورگاندارىنىڭ بارلىق 29 مىڭ قىزمەتكەرىنىڭ ۇجىمدىق بەينەسى.
كورمەنىڭ ورتاسىندا QR كودى بار قارا تاقتايشا ورنالاستىرىلعان. وسى كود ارقىلى rizamyz.com سايتىنا ءوتىپ, ءوز ءومىرىن ازاماتتىق قورعاۋ ورگاندارىندا ارناپ, ءوز مىندەتتەرىن اتقارۋ كەزىندە ەرلىكپەن قازا تاپقان 11 قۇتقارۋشىنىڭ ءومىر تاريحىمەن تانىسۋعا بولادى. مۇنداعى دەرەك بويىنشا ەلىمىزدە تاۋەلسىزدىك جىلدارىندا 413 مىڭنان استام ادام قۇتقارىلعان.
كورمەنىڭ سالتاناتتى اشىلۋ بارىسىندا LED-ەكراندا قۇتقارۋشىلاردىڭ كۇندەلىكتى قىزمەتى تۋرالى يميدجدىك بەينەروليك كورسەتىلدى. كورمە 20 قازانعا دەيىن جالعاسادى.
