1992 جىلى ول قىزمەت بابىمەن سولتۇستىك قازاقستان وبلىسىنا اۋىستىرىلادى. وبلىستىق ىشكى ىستەر باسقارماسىنىڭ كادر جۇمىسى جەلىسىنە جەتەكشىلىك ەتتى. بيىل ەرمەك ۆيكتورحانوۆيچ 73 جاسقا تولادى. ورگانداعى بارلىق جۇمىس ءوتىلى – 31,5 جىل. ول سقو پد جانە ۇلتتىق ۇلاننىڭ ارداگەرلەرى كەڭەسى وتكىزەتىن ءىس-شارالارعا بەلسەندى قاتىسىپ تۇرادى.
سولتۇستىكقازاقستاندىق پوليتسيانىڭ باستىعى ارداگەردى مەرەكەمەن قۇتتىقتاپ, جاس قىزمەتكەرلەر اراسىندا مول تاجىريبەسىمەن ءبولىسۋىن جالعاستىرۋدى تىلەدى. سونداي-اق اكەسىنىڭ جولىن قۋىپ, قالالىق پوليتسيا باسقارماسىندا تەرگەۋ ءبولىمى باستىعىنىڭ ورىنباسارى بولىپ قىزمەت اتقارىپ جۇرگەن بالاسى ماراتتى تاربيەلەگەنى ءۇشىن العىسىن ءبىلدىردى.
مەرەكە قارساڭىندا وبلىس پوليتسەيلەرى بارلىعى 100-دەن اسا زەينەتكەرگە بارىپ, قۇتتىقتاپ شىقتى. سونىڭ ىشىندە وبلىس ورتالىعىندا پوليتسيا بولىنىستەرىنىڭ باستىقتارى مەن جەكە قۇرامى ارداگەرلەر كەڭەسىنىڭ مۇشەلەرىمەن بىرلەسىپ, قارت ارىپتەستەرىنىڭ مەكەنجايلارىنا باردى. اۋىلدى جەرلەردە زەينەتكەرلەر اۋداندىق بولىنىستەرگە شاقىرىلىپ, جاستارمەن كەزدەسۋلەر وتكىزدى. پوليتسيا ارداگەرلەرىنىڭ كەڭەسى ارىپتەس زەينەتكەرلەرىنە كومەك كورسەتۋ ماقساتىندا 1,5 ميلليون تەڭگە قاراجات ءبولدى.
«بۇدان بولەك, ارداگەرلەر اراسىندا قارتتار كۇنىنە ورايلاستىرىپ وتكىزىلەتىن كونتسەرتكە بيلەتتەر ۇلەستىردىك», دەيدى وبلىستىق پد جانە ۇلتتىق ۇلان ارداگەرلەر كەڭەسىنىڭ توراعاسى اقان سىزدىقوۆ. «پوليتسيا ارداگەرلەرى ءاردايىم ءبىزدىڭ جانە قىزمەت اتقارىپ جۇرگەن قىزمەتكەرلەردىڭ نازارىندا. ماتەريالدىق, مەديتسينالىق كومەك كورسەتەمىز, مەرەيتوي يەلەرىن قۇتتىقتايمىز. اۋىلدى جەرلەردە ارداگەرلەرگە وتىنمەن, جەمشوپپەن كومەكتەسەمىز. ۆەدومستۆو زەينەتكەرلەرىنە قامقورلىقپەن قاراۋ – قازاقستان پوليتسياسىنىڭ ماڭىزدى قاعيداتتارىنىڭ ءبىرى», دەدى ول.
سولتۇستىك قازاقستان وبلىسى
