فوتو: اشىق دەرەككوز
بۇيرىققا سايكەس پاۆلودار – رەسەي فەدەراتسياسىنىڭ شەكاراسى (ومبىعا دەيىن) رەسپۋبليكالىق ماڭىزى بار جالپىعا ورتاق پايدالانىلاتىن اۆتوموبيل جولىنىڭ 389+710 – 191+500 شاقىرىمى رەسەي فەدەراتسياسىنىڭ شەكاراسى (ومبىعا دەيىن) – مايقاپشاعاي (ومبىعا دەيىن) II ساناتتى دەپ بەلگىلەنىپ, اقىلى نەگىزدە پايدالانىلادى.
اقىلى جولدىڭ ۇزىندىعى - 198 شاقىرىم 210 مەتر. قوزعالىس جولاقتارىنىڭ سانى ەكى باعىتتا 2 جانە 1 جولاقتى. اقىلى نەگىزدە پايدالانۋ مەرزىمى - 20 جىل.
ءبىر باعىتتاعى بۇكىل مارشرۋتتىڭ باعاسى:
- 16 ورىندىق اۆتوبۋستار مەن جۇك كوتەرىمدىلىگى 2,5 تونناعا دەيىن – 991 تەڭگە;
- 32 ورىندىق اۆتوبۋستارعا جانە جۇك كوتەرگىشتىگى 5,5 تونناعا دەيىن جۇك كولىكتەرىنە – 1982 تەڭگە;
- 32-دەن استام ورىندىق اۆتوبۋستار جانە پويىز تيەۋ سىيىمدىلىعى 10 تونناعا دەيىنگى جۇك كولىكتەرى – 2939 تەڭگە;
- جۇك كوتەرىمدىلىگى 10 توننادان 15 تونناعا دەيىنگى جۇك كولىكتەرى – 3964 تەڭگە;
- جۇك كوتەرگىشتىگى 15 توننادان اساتىن جۇك كولىكتەرى, ونىڭ ىشىندە تىركەمەلەرى بار, جۇك كولىگى تراكتورلارى – 4955 تەڭگە.
سونىمەن قاتار اي سايىنعى جانە جىلدىق ابونەنتتىك تولەم بار. جازىلىمنىڭ ايلىق قۇنى كولىكتىڭ وتكىزۋ قابىلەتىنە بايلانىستى 1-دەن 5 اەك-كە دەيىن (2023 جىلى 3450 تەڭگەدەن 17250 تەڭگەگە دەيىن) بولادى. ءبىر جىلدا ابونەنتتىك تولەم 12-دەن 60 اەك-كە دەيىن (41 400 تەڭگەدەن 207 000 تەڭگەگە دەيىن) بولادى.
بۇيرىق 2023 جىلعى 14 قازاندا كۇشىنە ەنەدى.
