فوتو: yandex.kz
5 قازان كۇنى وتەتىن عىلىمي سەميناردا تۇركى تىلدەس حالىقتار رۋحانياتىنىڭ تاريحى مەن مادەنيەتىنە قاتىستى سيرەك كىتاپتار مەن قولجازبالاردى, ارحيۆ دەرەكتەرىن ساقتاۋ, زەرتتەۋ ماسەلەسىنە قاتىستى عالىمدار مەن زەرتتەۋشىلەردىڭ وي-پىكىرى تالقىلانادى.
عىلىمي سەمينارعا مادەنيەت جانە اقپارات مينيسترلىگى قولجازبالار جانە سيرەك كىتاپتار ۇلتتىق ورتالىعىنىڭ, ۇلتتىق كىتاپحاناسى سيرەك كىتاپتار مەن قولجازبالار قىزمەتىنىڭ, ۇلتتىق اكادەميالىق كىتاپحاناسى سيرەك كىتاپتار مەن قولجازبالار سەكتورىنىڭ, «ل.ن. گۋميلەۆ اتىنداعى ەۇۋ» كەاق عىلىمي كىتاپحاناسىنىڭ سيرەك كىتاپتار مەن قولجازبالار ءبولىمىنىڭ ماماندارى, عالىمدار مەن زەرتتەۋشىلەر قاتىسادى.
