الماتى قالاسىنىڭ اكىمى ەربولات دوساەۆتىڭ سەۋلدەگى جۇمىس ىسكەري ساپارى بارىسىندا Seegene مەديتسينالىق قورى (SMF) مەن Open Healthcare Inc كومپانياسىنىڭ توراعاسى چحون چونگيمەن كەزدەسۋ وتكىزدى. SMF – وڭتۇستىك كورەيانىڭ مەديتسينالىق دياگنوستيكا جانە زەرتحانالىق زەرتتەۋلەر سالاسىنىڭ كوشباسشى دەسەك تە بولادى.
وسى كەزدەسۋدىڭ ارقاسىندا ورتالىق ازياداعى SMF وڭىرلىك حابى بولىپ رەتىندە الماتىنى تاڭداۋ تۋرالى ۇسىنىس بولىپ, وڭتۇستىككورەيالىق كومپانيا الماتىنىڭ مەديتسينا سالاسىنا شامامەن $30 ملن ينۆەستيتسيا سالۋعا نيەتتى ەكەندىكتەرىن مالىمدەگەن. اتاپ ايتقاندا, جاڭا كلينيكا سالۋ, كلينيكالىق زەرتحانالاردى جاڭعىرتۋ, العاشقى مەديتسينالىق-سانيتارلىق كومەك دەڭگەيىندە ەمحانا مەن مەديتسينالىق زەرتتەۋ ورتالىعىن باسقارۋ ادىستەمەسىنە دەنساۋلىق ساقتاۋدىڭ كورەي مودەلىن زەردەلەۋ مەن ەنگىزۋ, سونداي-اق تىركەۋ دەرەكتەرىن وڭدەۋ ءراسىمىن وڭتايلاندىرۋ, ءوزىن-ءوزى دياگنوستيكالاۋ قۇرىلعىلارى مەن تەلەمەديتسينانى دامىتۋدا بىرلەسكەن جوبالاردى ىسكە اسىرۋ كەلەشەگى قارالدى.
«بۇگىندە بۇكىل الەمدە دەنساۋلىق ساقتاۋ بىرتىندەپ ەمدەۋ ۇلگىسىنەن دياگنوستيكاعا كوشىپ وتىر. بۇل – اۋرۋلارمەن كۇرەسۋ مەن ازاماتتاردىڭ دەنساۋلىعىن قورعاۋدىڭ ءتيىمدى جولى. پاندەميا كورسەتكەندەي, الەم جاڭا سىناقتاردىڭ الدىندا تۇر: مەديتسينالىق ورتالىقتاردى زاماناۋي زەرتحانالارمەن جابدىقتاۋعا جانە زەرتتەۋلەر جۇرگىزۋگە نازار اۋداراتىن ەلدەر عانا باسەكەگە قابىلەتتى», دەدى ەربولات دوساەۆ.
الماتى اكىمى چحون چونگي مەن ونىڭ ارىپتەستەرىنە پاندەميا كەزىندە الماتى تۇرعىندارىنا كورسەتكەن كومەگى مەن COVID-19 جاساعان دياگنوستيكاسى ءۇشىن العىسىن ءبىلدىردى.
ءوز كەزەگىندە SMF توراعاسى چحون چانگي Seegene دياگنوستيكالىق تەستىلەۋى پاندەميا كەزىندە وڭ ناتيجە بەرگەنىن اتاپ وتكەن. مەديتسينالىق كونتسەرننىڭ جوعارى ءتيىمدى تەحنولوگياسى ساپالى ءارى جاپپاي تالداۋ جۇرگىزۋگە مۇمكىندىك بەردى: وڭتۇستىك كورەياداعى كوروناۆيرۋستىق سىناقتاردىڭ 50%-ى مەن سەۋلدەگى سىناقتاردىڭ 60%-دان استامىن ءبىر مەكەمە – Seegene مەديتسينالىق قورى وڭدەدى. SMF جۇمىسىنىڭ ارقاسىندا وڭتۇستىك كورەياداعى دۇنيەجۇزىلىك پاندەميا كەزىندەگى ءولىم-ءجىتىم كورسەتكىشى باسقا ەلدەرمەن سالىستىرعاندا ەڭ تومەن دەيگەيدە بولعانى بەلگىلى.
