فوتو: سەناتتىڭ ءباسپاسوز قىزمەتى
سەناتورلار ساپار بارىسىندا بىرقاتار الەۋمەتتىك نىسانداردى ارالادى. سونداي-اق «رودينا» اگروفيرماسى» جشس باسشىلىعىمەن كەزدەسىپ, وڭىرلەردى دامىتۋعا قاتىستى بىرقاتار ماسەلەلەردى تالقىلادى. شارا بارىسىندا جەر زاڭناماسى مەن ينفراقۇرىلىمنىڭ پروبلەمالىق ماسەلەلەرى تالقىلاندى. سەرىك شايداروۆ ءوز سوزىندە ەلىمىز پرەزيدەنتىنىڭ وڭىرلەر مەن اۋىل شارۋاشىلىعىن دامىتۋ سالاسى بويىنشا العا قويعان مىندەتتەرى تۋرالى ايتتى جانە مەملەكەت باسشىسىنىڭ باستامالارىن زاڭنامالىق قولداۋ جونىندەگى سەناتورلاردىڭ قاجىرلى قىزمەتى تۋرالى اتاپ ءوتتى.
«اۋىل تۇرعىندارىنىڭ ءومىر ءسۇرۋ جاعدايىن جاقسارتۋ ماقساتىندا ەڭ ءبىرىنشى تۇراقتى جۇمىس ورىندارىمەن قامتاماسىز ەتۋ مىندەتى تۇر. مەملەكەت باسشىسى بيىلعى جولداۋىندا ايتقانداي اۋىلشارۋاشىلىق ونىمدەرىن وڭدەۋدى 70 پايىزعا جەتكىزۋ قاجەت. بۇل ەلدىڭ اۋىلشارۋاشىلىق ونىمدەرىن ەكسپورتىن ارتتىرىپ, ازىق-ت ۇلىككە ىشكى سۇرانىستى تولىققاندى قامتاماسىز ەتۋگە جول اشادى. دەپۋتاتتار وسى ناقتى مىندەتتى ورىنداۋ جانە ادامداردى ءونىمدى قايتا وڭدەۋگە ىنتالاندىرۋ ءۇشىن ءتيىستى زاڭنامالىق وزگەرىستەرگە ۇسىنىستار دايىنداپ جاتىر», دەدى سەناتور شايداروۆ.
كوشپەلى وتىرىس جۇمىسىنا ۇلتتىق ەكونوميكا, اۋىل شارۋاشىلىعى, تسيفرلىق دامۋ, ەڭبەك جانە سۋ رەسۋرستارى مينيسترلىكتەرىنىڭ, سونداي-اق ءوڭىردىڭ سالالىق ساراپشىلارى مەن بيزنەس قاۋىمداستىعىنىڭ وكىلدەرى قاتىستى.
