www.gov.kz
ستەند اتۋدىڭ سكيت باعدارلاماسى بويىنشا مەرگەندىگىن سىناعان ەلىمىزدىڭ ايەلدەر قۇراماسى فينالدا قارسىلاستارىنان باسىمدىق تانىتتى. اسەم ورىنباي, زويا كراۆچەنكو, ولگا پانارينا جازعى ازيا ويىندارىندا رەكورد جاڭارتتى ءھام قازاقستانعا حانچجوۋداعى دودادان العاشقى التىن مەدالدى الىپ بەردى. مەرگەن قىزدار قىتاي مەن تايلاند كومانداسىنان وق بويى وزدى.
«قىزداردى وسى تاريحي جەڭىسپەن قۇتتىقتايمىن! التىن مەدالدان باسقا, ءبىزدىڭ سپورتشىلار دا جاڭادان جارىس رەكوردىن ورناتتى, بۇل جەڭىستى ودان دا اسەرلى ەتەدى. ەستەرىڭىزگە سالا كەتەيىن, الماتى وبلىسىندا ستەند اتۋدان الەم كۋبوگىندا ءبىزدىڭ قۇراما ءبىرىنشى جالپى كوماندالىق ورىنعا يە بولعان. بۇگىن بۇكىل ازيا قۇرلىعى بۇل جەڭىستى كەزدەيسوق جەتىستىك ەمەستىگىنە كوز جەتكىزدى», دەدى تۋريزم جانە سپورت ءمينيسترى ەرمەك مارجىقپاەۆ.
