شارانى قر ۇعا اكادەميگى, فيلولوگيا عىلىمدارىنىڭ دوكتورى, پروفەسسور, «قازاق گازەتتەرى» جشس باس ديرەكتورى ديحان قامزابەك ۇلى اشىپ, قازاق تاريحىندا ورنى وزگەشە تۇڭعىش عارىشكەر تۋرالى ايرىقشا اتاپ ءوتتى. «تۇلعاتانۋ» عىلىمىنىڭ ءبىر باعىتى «توقتارتانۋ» عىلىمىندا تالعات ءسۇيىنبايدىڭ عارىشكەر تۋرالى بارلىق ماقالالارى «Egemen Qazaqstan» گازەتىنە شىققانىن تىلگە تيەك ەتتى.
عارىشكەر سويلەگەن سوزىندە: «2 قازان عارىشقا ۇشۋ كۇنى قارساڭىندا قانشاما جۋرناليست حابارلاسىپ سۇحباتتاسپاق نيەتتەرىن ايتتى, بىراق, مەن وسى قارا شاڭىراققا جينالايىق, كەلسەڭدەر سوندا كەلىڭدەر, دەپ وسىندا كەلۋدى ءجون كوردىم», دەي كەلە عارىش ساپارى الدىندا «Egemen Qazaqstan» گازەتىندە قىزمەت ەتكەن ارداگەر جۋرناليست تالعات ءسۇيىنبايدىڭ كوسمودرومدا بولىپ, شىعارىپ سالعانىن, كەيىن كىتاپ جازعانىن ءارى ونداي كىتاپتار تاريح ءۇشىن كەرەك ەكەندىگىن اتاپ ءوتتى.
«قولجازبام بويىنشا بۇل كىسىگە قاسقىردى ءۇش رەت اتقىزعانمىن عوي. سودان كەيىن فانتازياممەن وق تاۋسىلدى دەدىم. بۇل كىسى مەن ءبىر-اق رەت اتام دەدى. بۇنى ايتىپ وتىرعان سەبەبىم, ۇشاقتى مەڭگەرۋ كوزگە بايلانىستى جانە بۇل كىسى تاۋ شاڭعىسىنان سپورت شەبەرى, اتالعان سپورتتا كوزبەن كورۋ كۇشىنە بايلانىستى. بۇل كىسى كوزدەپ ءبىر-اق رەت اتادى», دەپ عارىشكەر تۋرالى تىڭ مالىمەتتەر ايتقان تالعات ءسۇيىنباي «بايقوڭىر 1955 جىلدان 1991 جىلعا دەيىن قازاقشا سويلەمەگەن اۋماق ەدى, كيىز ۇيلەر تىگىلدى, 40 جۋرناليست قازاقشا سويلەپ ءجۇردى, عارىشكەر ءوزى دە قازاقشا سويلەپ, راپورت بەرىپ ۇشىپ كەتتى دەپ ەستەلىگىن ايتتى.
عارىشكەردىڭ قاناتتاس سەرىكتەرى, مەملەكەت جانە قوعام قايراتكەرى ورالباي ابدىكارىموۆ, بەلگىلى حيرۋرگ, پروفەسسور سەرىك توقپانوۆ وزدەرىنىڭ ەستەلىكتەرىن ءسوز ەتتى. بۇدان كەيىن توقتار وڭعارباي ۇلى جۋرناليستەردىڭ سۇراقتارىنا جاۋاپ بەردى.
