دارحان قۋاندىق ۇلى 1974 جىلى 16 ساۋىردە تۇركىستان وبلىسىنا قاراستى تۇلكىباس اۋدانىندا دۇنيەگە كەلگەن.
ەڭبەك جولىن 2001-2005 جىلدار ارالىعىندا ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىندە اعا عىلىمي قىزمەتكەر, عالىم-حاتشى, كافەدرا مەڭگەرۋشىسى, اپپارات جەتەكشىسى, جەتەكشى عىلىمي قىزمەتكەر بولىپ باستاعان.
2005-2006 جىلدارى - ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە دوتسەنت, اعا عىلىمي قىزمەتكەر.
2006-2007 جىلدارى - قازاقستان رەسپۋبليكاسى پرەزيدەنتتىك مادەنيەت ورتالىعىندا ديرەكتوردىڭ ورىنباسارى.
2007-2008 جىلدارى - قازاقستان رەسپۋبليكاسى ءبىلىم جانە عىلىم مينيسترلىگىندە ءمينيستردىڭ كەڭەسشىسى.
2008-2009 جىلدارى قازاقستان رەسپۋبليكاسى پرەزيدەنتى اكىمشىلىگىندە ساراپشى, سەكتور مەڭگەرۋشىسى رەتىندە قىزمەت اتقارعان.
2009-2012 جىلدار اراسىندا قازاقستان رەسپۋبليكاسى پرەزيدەنتى ءباسپاسوز حاتشىسىنىڭ ورىنباسارى بولعان.
2012 - 2014 جىلدارى تۇركى كەڭەسى باس حاتشىسىنىڭ ورىنباسارى بولىپ قىزمەت اتقاردى.
2014 جىلدان باستاپ حالىقارالىق تۇركى اكادەمياسىنىڭ پرەزيدەنتى.
2015 جىلعى 29 ماۋسىمنان تۇركى الەمى ۇلتتىق عىلىم اكادەميالار وداعى حاتشىلىعىنىڭ باسشىسى قىزمەتىن قوسا اتقاردى جانە اتالعان وداقتىڭ ۇيىمداستىرۋشىسى.
2015 جىلى يۋنەسكو-نىڭ پاريجدەگى شتاب-پاتەرىندە «قورقىت مۇراسى جانە تۇركى الەمى» اتتى حالىقارالىق مادەني شارانى, 2016 جىلى نيۋ-يورك قالاسىنداعى بىرىككەن ۇلتتار ۇيىمىنىڭ شتاب-پاتەرىندە «2030 جوسپارى ءۇشىن جىبەك جولى بويىنداعى جاڭا سينەرگيا» اتتى حالىقارالىق سيمپوزيۋمدى, جانە 2018 جىلى «رۋحاني جاڭعىرۋ جانە مادەني مۇرا: قادىمنان كەلەشەككە تۇركى ءتىلى» حالىقارالىق مادەني ءىس-شارالارىن ۇيىمداستىردى.
2016 جىلى «Egemen Qazaqstan» رەسپۋبليكالىق گازەتى» اكتسيونەرلىك قوعامىنىڭ باسقارما توراعاسى بولىپ تاعايىندالدى.
2018 جىلدىڭ قىركۇيەگىندە حالىقارالىق تۇركى اكادەمياسىنىڭ پرەزيدەنتى لاۋازىمىنا ەكىنشى مەرزىمگە تاعايىندالدى.
2022 جىلدىڭ قىركۇيەگىنەن 2023 جىلدىڭ قىركۇيەگىنە دەيىن قازاقستان رەسپۋبليكاسى اقپارات جانە قوعامدىق دامۋ ءمينيسترى بولىپ قىزمەت اتقاردى.
