قۇرىلىسقا مەملەكەتتىك باقىلاۋ كۇشەيەدى

ورتالىق كوممۋنيكاتسيالار قىز­مەتى الاڭىندا وتكەن ءباسپاسوز ءماسلي­حا­تىندا ونەركاسىپ جانە قۇرىلىس مي­­نيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كومي­تەتى توراعاسىنىڭ ورىنباسارى باقىتجان جۇنىسبەكوۆ قۇرىلىس ساپاسىنا مەملەكەتتىك باقىلاۋدى كۇشەيتۋ بو­­يىنشا قابىلدانىپ جاتقان شارالار تۋرالى اڭگىمەلەپ بەردى.

سپيكەر اتاپ وتكەندەي, ەكونوميكانىڭ باسقا سالالارى اراسىندا قۇرىلىس 2022 جىلدىڭ ءتيىستى كەزەڭىمەن سالىستىرعاندا ەڭ جوعارى ءوسىمدى كورسەتىپ, ناقتى ما­نىندە 15,7%-عا ۇلعايدى. «سالاداعى وڭ كور­سەتكىشتەرگە قاراماستان, جالپى دا­مۋ­دىڭ باياۋلاۋىنا جانە تەجەلۋىنە اكەپ وتىرعان بىرقاتار فاكتور بار», دەدى مي­نيسترلىك وكىلى.

ءبىرىنشى كەزەكتە, بۇل قۇرىلىستىڭ قاۋىپ­سىزدىگى مەن ساپاسى, مەملەكەتتىك با­قىلاۋدى كۇشەيتۋ جانە قاتاڭداتۋ جو­نىندەگى جاڭا قۇرالدار, سالانى تسيفر­لاندىرۋ.

«وڭىرلەردە قالا قۇرىلىسىن دامىتۋ­دى جۇيەلى جوسپارلاۋدىڭ بولماۋى­نا جانە قۇرىلىس سالىنعان اۋماقتى ساۋ­لەت­شىلەردىڭ دۇرىس جوبالاماۋىنا باي­لانىستى ورىن العان كەمشىلىكتەر جۇ­مىس ىستەپ تۇرعان ينجەنەرلىك جەلى­لەر قۋا­تىنىڭ شامادان تىس جۇكتە­لۋىنە, ءسوي­تىپ, بۇزىلۋىنا, ىستەن شىعۋىنا, الەۋ­مەتتىك نىسانداردىڭ, رەكرەا­تسيا­لىق ايماقتاردىڭ قولجەتىمدى قاشىق­تىقتا ورنالاسپاۋىنا, جول ينفرا­قۇ­رى­لى­مىنداعى كەپتەلىستەرگە الىپ كەلەدى», دەدى ب. جۇنىسبەكوۆ.

سونداي-اق اكىمدىكتەر جۇمىس جوباسىن ازىرلەۋ جانە بەكىتۋ كەزىندە باس جوس­پاردىڭ جوبالىق شەشىمدەرىنەن نەگىزسىز اۋىتقۋلارعا, جوبانى زاڭسىز تۇزەتۋگە جول بەرەدى. وسىعان وراي, 2020 جىلدان بەر­گى كەزەڭدە كوميتەت ساۋلەتشىلەرگە ءتۇر­لى بۇزۋشىلىقتارعا جول بەرگەنى ءۇشىن 218 اكىمشىلىك حاتتاما تولتىردى.

ساپانى قامتاماسىز ەتۋ ءۇشىن ەندىگى جەردە وسى جىلدىڭ 5 ساۋىرىندە قول قو­يىل­­عان جىلجىمايتىن م ۇلىكتىڭ بىر­ىڭ­­عاي مەملەكەتتىك كاداسترىن ەنگىزۋ جو­نىن­دەگى زاڭ شەڭبەرىندە بىرىڭعاي قالا قۇرى­­لىسى ساراپتاماسى قولدانىلاتىن بولادى. ءتيىستى وزگەرىستەر 2024 جىلدىڭ قاڭ­تارىنان باستاپ كۇشىنە ەنەدى.

كەشەندى قالا قۇرىلىسى ساراپتاماسىنان ءوتۋ قاعيداسى جوبالىق شەشىم­دەر­دىڭ باستاپقى قۇجاتتاردىڭ شارتتارىنا, سونداي-اق قالا قۇرىلىسى جانە تەحنيكالىق رەگلامەنتتەرگە, ساۋلەت جانە قالا قۇرىلىسى سالاسىنداعى مەملە­كەت­تىك ستاندارتتارعا سايكەستىگىن بەل­گى­لەۋدى كوزدەيدى. «قالا قۇرىلىسى سا­راپ­تاماسىنان وتپەگەن جانە ونىڭ وڭ قورى­تىن­دىسىن الماعان بارلىق دەڭگەيدەگى قالا قۇرىلىسى جوبالارى بەكىتۋگە جانە ودان ءارى ىسكە اسىرۋعا جاتپايدى», دەدى وقم كوميتەتى توراعاسىنىڭ ورىنباسارى.

ازىرلەنىپ جاتقان قۇرىلىس كودەكسى شەڭبەرىندە جوسپارلاۋ كەزىندە ورتكە قارسى قىزمەت شارالارى, سانيتارلىق-قور­عاۋ ايماقتارى, ينسولياتسيا, سەيسمي­كا­لىق قاۋىپسىزدىككە قاتىستى جانە تۇر­عىن­داردىڭ قولايلى ءومىر ءسۇرۋىن قام­تا­ماسىز ەتۋ ءۇشىن قاجەتتى باسقا دا تالاپ­تار نورمالارىنىڭ قامتىلۋى قاتاڭ قادا­عا­لانادى.

جوبالاۋ ۇدەرىسى بىرىڭعاي تسيفرلىق مەملەكەتتىك پلاتفورماعا ەنگىزىلەدى, ول اشىقتىقتى قامتاماسىز ەتۋگە مۇمكىندىك بەرەدى جانە زاماناۋي ترەندتەر مەن تەح­نو­لوگيالارعا سايكەس كەلەدى. وسى ماق­ساتتا ارنايى اقپاراتتىق جۇيە ازىر­لە­نىپ, قازىرگى ۋاقىتتا ونى مىندەتتى پايدالانۋعا قاتىستى نورماتيۆتىك تۇر­عىدا بەكىتۋ جۇمىستارى جۇرگىزىلۋدە.

تاعى ءبىر ايتا كەتەرلىك جايت, بۇرى­نى­راقتا جوبالىق-سمەتالىق قۇجات­تا­مالاردى ينجەنەرلىك جەلىلەرسىز جانە اۋماقتى اباتتاندىرۋسىز ازىرلەۋگە جول بەرىلىپ كەلگەن بولاتىن. وسى كەلەڭ­سىز تاجىريبەنى جويۋ ماقساتىندا كومي­تەت­تىڭ 2023 جىلعى 12 قاڭتارداعى № 4-نق بۇيرىعىمەن بىرىڭعاي جوبالىق-سمەتالىق قۇجاتتامانىڭ جەكەلەگەن بو­لىم­دەرىن كەشەندى تۇردە ازىرلەۋگە قا­تىستى مەملەكەتتىك ستاندارتقا ءتيىستى تو­لىق­تىرۋلار ەنگىزىلدى. ەندى قۇرىلىس قاڭقاسى ينجەنەرلىك, كوممۋنيكاتسيالىق جانە اباتتاندىرۋ نىساندارىمەن بىرگە جوبالاناتىن بولادى.

ايتا كەتكەن ءجون, كوميتەت سالانى تسيفر­لاندىرۋ ءىسىن دە قاۋىرت قولعا الىپ جاتىر. جاقىندا قۇرىلىس راسىم­دە­رى­نىڭ اشىقتىعىن ارتتىرۋ ماقساتىندا قۇرىلىس سۋبەكتىلەرىنىڭ كۇندەلىكتى جۇ­مىسىن اۆتوماتتاندىرۋعا مۇمكىندىك بەرەتىن «e-Qurylys» بىرىڭعاي اقپاراتتىق جۇيەسى ەنگىزىلدى. بۇل جۇيە مەملەكەتتىك فۋنكتسيالاردى اۆتوماتتاندىرادى, اتاپ ايتقاندا, مۇندا تەحنيكالىق قادا­عا­لاۋ­دىڭ ورتالىقتاندىرىلعان ەلەك­ترون­دىق ەسەپ بەرۋ بازاسى, ليتسەن­زيات­تار­دىڭ, تەحنيكالىق قاداعالاۋ­دىڭ, ينجەنەرلىك-تەحنيكالىق قىزمەتكەر­لەر­دىڭ جانە سا­راپشىلاردىڭ اتتەس­تا­تسياسىنىڭ بىرىڭعاي ءتىزىلىمى شوعىر­لان­دى­رىلادى.

وكىنىشكە قاراي, 2018 جىلدان بەرى قۇرىلىس ساپاسىن مەملەكەتتىك با­قى­لاۋ جۇيەسى ماجبۇرلەۋ شارالارىن جەدەل قابىلداۋ مۇمكىندىگىنسىز, تەك قانا پروفيلاكتيكالىق سيپاتتا بولىپ كەلگەن. بۇگىنگى تاڭدا اكىمدىكتەردىڭ قۇ­رى­لىس ىستەرى جونىندەگى مەملەكەتتىك ينس­پەكتسياسىنىڭ تەكسەرۋلەرى تەك ازامات­تاردىڭ ارىز-شاعىمدارى بويىنشا جۇرگىزىلۋدە, ال سالىنىپ جاتقان نىسانداردى تەكسەرۋمەن قامتۋ 2023 جىلدىڭ ءبىرىنشى جارتىجىلدىعىندا نەبارى 9 پا­يىزدى قۇراپتى, 11 001 نىسان بويىنشا 1186 تەكسەرۋ جۇرگىزىلگەن.

مىنە, وسى كورسەتكىشتىڭ ءوزى-اق قۇرىلىس جۇمىستارىنا مەملەكەت تاراپىنان قالىپتى باقىلاۋدىڭ جوقتىعىن بىلدىرەدى. سودان كەلىپ قۇرىلىس جۇ­مىس­تارى جۇيەسىز جۇرگىزىلۋدە. تۇرعىن ءۇي كەشەندەرىنىڭ بەيبەرەكەت سالىنۋى, قالا حالقى ءۇشىن اسا قاجەت ءتۇرلى ينفرا­قۇرىلىمداردىڭ جەتىمسىزدىگى, ولاردىڭ قۇرىلىس تالاپتارىنا ساي جوبالانبايتىنى تۋرالى از ايتىلىپ كەلە جاتقان جوق. وسى كەمشىلىكتى جويۋدى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى قاتتى قول­عا العان سىڭايلى. ماسليحاتقا قاتى­سۋ­شىلار تاراپىنان بولعان وسىنداي, بىرىڭعاي پروبلەمالىق, وڭ شەشىمىن كۇتكەن ساۋالدارعا وقم قالا قۇرىلىسى جانە تۇرعىن ءۇي كوممۋنالدىق ساياساتى دەپارتامەنتىنىڭ قۇرىلىس سالاسىن دامىتۋ باسقارماسىنىڭ باسشىسى ە.ق ۇلىشەۆ, وقم مەملەكەتتىك ساۋلەت-قۇ­رىلىس باقىلاۋ باسقارماسىنىڭ باس ساراپشىسى ءا.شۇعاەۆ جاۋاپ بەردى.