فوتو: portaktau.kz
قۇجاتتا «اقتاۋ تەڭىز ساۋدا پورتىنا حالىقارالىق ماڭىزى بار تەڭىز پورتى مارتەبەسى بەرىلسىن», دەلىنگەن.
ۇكىمەتتىڭ قاۋلىسى بيىل 21 قىركۇيەكتە قولدانىسقا ەنگىزىلگەن. قۇجات 2022 جىلعى 5 شىلدەدەگى جاڭا گەوساياسي جاعدايلاردا رەسپۋبليكانىڭ كولىك-ترانزيتتىك الەۋەتىن دامىتۋ جونىندەگى كەڭەستىڭ قورىتىندىسى بويىنشا مەملەكەت باسشىسىنىڭ تاپسىرماسىنا سايكەس قابىلدانعان. پرەزيدەنت قاسىم-جومارت توقاەۆ تەڭىز پورتتارىن كاسپي تەڭىزىنىڭ جەتەكشى حابتارىنىڭ بىرىنە اينالدىرۋدى تاپسىرعان بولاتىن.
ايتا كەتسەك, 2018 جىلدىڭ قىركۇيەگىنە دەيىن اقتاۋ تەڭىز ساۋدا پورتىندا حالىقارالىق مارتەبە بولعان. بىراق كەيىن ۇكىمەتتىڭ قاۋلىسىمەن اتالعان مارتەبە الىنىپ تاستالعان ەدى.
