ەرىكتىلەردىڭ ەلەۋلى ىستەرى

وڭىردەگى «Birgemiز» ۆولون­تەر­لىك فرونت-كەڭسەسىنىڭ باسشىسى اناستاسيا ۆولكوۆانىڭ مالىم­دە­ۋىنشە, ايماقتاعى 14 رەسۋرس ورتا­لىعىندا ۆولونتەرلەر كلۋبى اشىل­عان. وبلىستىق جاستار ءىسى جونىن­دەگى باسقارما قۇرامىنا ۆولونتەر جاس­تاردىڭ وكىلدەرى دە مۇشە. «بارلىق اۋدان مەن اۋىلدى قوسا ەسەپتەگەندە ۆولونتەرلىك قوزعالىسقا 30 مىڭداي جاس قاتىسادى. ولار قوزعالىستىڭ «ساباقتاستىق», «ساۋلىق», «تازا الەم», «اسىل مۇرا», «قامقور», ء«بىلىم», ء«ۇمىت» سياقتى جەتى ءتۇرلى باستاماسىنان باسقا الەۋمەتتىك, مەديا, ونەر, جانۋارلار, مەديتسينا­لىق ۆولونتەرلىك جانە ت.ب. باعىتتارى بويىنشا جۇمىس ىستەيدى», دەيدى اناستاسيا ۆولكوۆا.

قىزىلجار ءوڭىرىنىڭ ۆولونتەر­لەرى, اسىرەسە «Qamqor» باعىتىن­دا اۋقىمدى جۇمىس اتقارىپ كەلەدى. جالعىزباستى نەمەسە مۇمكىندىگى شەك­­تەۋلى قاريالاردىڭ اۋلاسىن تازارتۋ, بىتەلىپ قالعان سۋ جىرالارىن تازارتۋ, كۇزدە كارتوپتارىن قازىپ بەرۋ – مىنە, ەرىكتىلەردىڭ ەڭ باستى جۇمىستارى وسىلار. سونى­مەن قاتار قارتتارعا ءدارى-دارمەك, ازىق-ت ۇلىك جەتكىزىپ بەرۋ, وتىنىن دايىنداۋ, كومىرىن كىرگىزىپ بەرۋ, سۋىن اكەلۋ, زەينەتاقىسىن اكەلىپ, كوممۋنالدىق تولەمدەرىن تولەپ بەرۋ سەكىلدى جۇمىستار دا نازاردان تىس قالمايدى. وسىنداي يگى ىستەر كەزىندە ەرىكتىلەر قاريالارمەن اڭگىمەلەسىپ, ءبىر ءسات كوڭىل-كۇيىن اۋلاپ قايتادى.

«Taza Álem» باعىتى بويىنشا ەكولوگيالىق مارافون وتكىزىلىپ, ايىرتاۋ اۋدانىندا ء«بىز بىرگەمىز – تازا قازاقستان», قىزىلجار اۋدانىندا «تازا جاعالاۋ», م.جۇماباەۆ اۋدانىندا «تازا كولدەر» اتتى اكتسيالار ۇيىمداستىرىلدى. پەت­رو­پاۆل قالاسىنداعى پەستروە كولى­نىڭ جاعاسىن, شال اقىن اۋدا­نىندا ورتالىق ساياباقتى تازالاۋ اكتسيا­لارى دا ويىن-قىزىقپەن, ىنتا­لان­دىرىلعان جارىسپەن وتكىزىلدى. وسىن­داي يگى ىستەرگە 1 300 ادام قاتى­سىپ, بارلىعى 125 ءىس-شارا بارىسىندا 106 توننا قوقىس شىعارىلدى.

جارىمجان ادامدار مەن از قام­تىلعان وتباسىلارعا ارنالعان ءتۇرلى اكتسيالار دا تۇراقتى تۇردە وتكىزىلىپ تۇرادى. «مەكتەپكە دايىندىق» اكتسياسى بويىنشا الەۋمەتتىك جاعدايى تومەن وتباسىلاردىڭ 300-دەن استام بالاسىنا سومكە, مەكتەپكە قاجەتتى قۇرال-جابدىقتار, داپتەرلەر ساتىپ اپەرىلدى. بۇل باعىتتا اۋداندارمەن قوسا العاندا بارلىعى 22 ءىس-شارا وتكىزىلىپ, كومەك بەرۋ ءىسى 800-دەي بالانى قامتىدى.

سونداي-اق NEET ساناتىنداعى جاستارعا ۆولونتەر-زاڭگەرلەر مەن ۆولونتەر-پسيحولوگتەر كومەك كورسەتەدى. زاڭگەرلەر اپتاسىنا ءبىر رەت تەگىن كەڭەس بەرەدى. جىل باسىنان بەرگى 8 ايدا وسى ساناتتاعى جاستارعا 93 زاڭنامالىق كونسۋلتاتسيا بەرىلىپ, 30 جەكە كەڭەس جانە 14 پسيحولوگيالىق ترەنينگ وتكىزىلگەن. نازارباەۆ زيات­كەرلىك مەكتەبىندە كەمباعال بالالاردى قولداۋعا ارنالعان شوۋ-ماتچ ۇيىمداستىرىلىپ, 1 ملن 885 مىڭ تەڭگەنىڭ قايىرىمدىلىق قاراجا­تى جينالدى. قايىرىمدىلىق اۋكتسيونىندا وليمپيادا چەمپيونى باحتيار ارتاەۆ پەن الەم چەمپيونى جانات جاقيانوۆتىڭ قولدارى قويىلعان بوكس قولعاپتارى ساتىلدى. جىل بويى وتكىزىلگەن وسىنداي ءىس-شارانىڭ جالپى سانى 1 560 شاماسىندا ەكەن.

ۆولونتەرلىككە جاستاردى ىنتالاندىرۋ, قىزىقتىرۋ ماقساتىندا وبلىستا يگى ءىس-شارالارمەن اينالىساتىن قىز-جىگىتتەرمەن قىزىقتى كەزدەسۋلەر دە ۇدايى ۇيىمداستى­رى­لىپ تۇرادى. جەرگىلىكتى باق-تا «جاس­تار ساياساتى», «جاس كەلسە, ىسكە», «زامانىمىزدىڭ باتىرلارى», «قازاقستاننىڭ تازا وزەندەرى», «ەلىم­دى سۇيەمىن», «جاقسىلىقتى تاڭ­دايمىن», «ۆولونتەرلەر», «قا­يى­رىمدىلىق», ء«بىز بىرگەمىز», «ەرىك­­­تىلەر» سەكىلدى ايدارلارمەن تۇ­­راقتى حابارلار بەرىلىپ تۇرا­دى. ەرىكتىلەردىڭ ەرەن ىستەرىن اسى­رەسە ترك «Qyzyljar», «مترك» جانە «پەر­ۆىي سەۆەرنىي» ارنالارى, «Soltustik Qazaqstan» جانە «سەۆەر­نىي كازاحستان» اقپارات قۇرال­دارى, الەۋمەتتىك جەلىلەردە «پەترو­پاۆ­لوۆسك news», «7152.kz» پورتالدارى تۇ­راقتى جاريالاپ ءجۇر.

سولتۇستىك قازاقستان وبلىسى