ساباقتار جاۋىنگەرلىك قيمىلدارعا بارىنشا جاقىن جاعدايدا ءوتىپ جاتىر. وفيتسەرلەردى كۋرستىق دايارلىقتان وتكىزۋدىڭ ماقساتى – ءتۇرلى جاعدايلاردى مودەلدەۋ جانە اسكەري قىزمەتشىلەردىڭ ىشكى جاعدايى تۇراقسىز, داعدارىسقا ۇشىراعان ەلدەردە بىتىمگەرلىك ميسسيانى ورىنداۋ بارىسىنداعى كۇيزەلىسكە توزىمدىلىگى مەن ارەكەت ەتۋ قابىلەتىن دامىتۋ. سونىمەن بىرگە اسكەري قىزمەتشىلەر اۋەدەن پاترۋلدەۋ, قولدان جاسالعان جارىلعىش قۇرىلعىلاردى تابۋ, جارالىلاردى ەۆاكۋاتسيالاۋ, كەلىسسوز جۇرگىزۋ جانە ت.ب. تاپسىرمالاردى ورىندايدى. كۋرستىڭ باعدارلاماسىن بۇۇ-نىڭ ءارتۇرلى ەلدەردەگى بىتىمگەرلىك ميسسيالارىنا قاتىسقان تاجىريبەلى نۇسقاۋشىلار ازىرلەگەنىن ايتا كەتۋ كەرەك. ءۇش اپتالىق باعدارلاما بىتىمگەرلىك وپەراتسيالار ورتالىعىنىڭ بازاسىندا اپروباتسيادان ءارى باعالاۋدان وتەدى.
الداعى ۋاقىتتا ورتالىق تاراپىنان بىرىككەن ۇلتتار ۇيىمىنىڭ ساراپشىلارىن كۋرستى باعالاۋعا شاقىرۋ جوسپارلانىپ وتىر. ەگەر باعدارلاما ماقۇلدانىپ, كۋرس اككرەديتتەۋدەن وتەر بولسا, بۇل بىزگە بىتىمگەرلىك وپەراتسيالار ورتالىعىنىڭ بازاسىندا حالىقارالىق دەڭگەيدەگى سەرتيفيكاتتالعان اسكەري باقىلاۋشىلاردى دايارلاۋعا مۇمكىندىك بەرەدى.
تىڭداۋشىلار پوليگونعا بارماس بۇرىن وفيتسەرلەردىڭ اسكەري باقىلاۋشى رەتىندە بىتىمگەرلىك مىندەتتەردى ويداعىداي ورىنداۋ دايارلىقتان قامتاماسىز ەتەتىن پاندەر كەشەنىنەن وتكەنىن ايتۋ كەرەك. اسكەري قىزمەتشىلەر بىتىمگەرلىك قىزمەتتى, اسكەري باقىلاۋشىنىڭ مارتەبەسى مەن مىندەتتەرىن, داعدارىس جاعدايىنداعى ءىس-قيمىل ءتارتىبىن رەتتەيتىن حالىقارالىق زاڭنامانى, سونداي-اق جەرگىلىكتى بيلىك وكىلدەرىمەن, باق-پەن جانە قاقتىعىسۋشى تاراپتارمەن ءوزارا ءىس-قيمىلدى ۇيىمداستىرۋدى جان-جاقتى زەردەلەدى.
وقىتۋ كۋرسىنىڭ قورىتىندىسى باقىلاۋ-كەشەندى وقۋ-جاتتىعۋى وتەدى. وندا تىڭداۋشىلار بۇۇ اسكەري بايقاۋشىلارىنىڭ بىتىمگەرلىك مىندەتتەر كەشەنىن ورىنداپ, ولاردى ىسكە اسىرۋدىڭ ءتۇرلى ءتاسىلىن قولدانادى.
