شانحاي قالاسىندا كۇز ايلارىندا وتەتىن ءداستۇرلى حالىقارالىق كورمەنىڭ ماقساتى برەندتىك وندىرىستىك جابدىقتاردى تانىستىرۋ. وسى جولى كورمەگە الەم ەلدەرىنەن كەلگەن 3 مىڭعا جۋىق كومپانيا مەن ۇيىمدار, ونىڭ ىشىندە جۇزدەگەن ۋنيۆەرسيتەت قاتىستى.
ءال-فارابي اتىنداعى قازۇۋ عىلىم جانە يننوۆاتسيا دەپارتامەنتىنىڭ ديرەكتورى جولداس بورىباەۆ اتاپ وتكەندەي, CIIF حالىقارالىق ونەركاسىپ جارمەڭكەسى ءىرى كورمەلەردىڭ ءبىرى رەتىندە بەلگىلى ءارى قىتايداعى ەكونوميكالىق جانە ساۋدا الماسۋ مەن ىنتىماقتاستىق ءۇشىن ماڭىزدى الاڭ بولىپ تابىلادى. بۇگىنگى تاڭدا مۇنداي سالالىق جارمەڭكەلەردە ۋنيۆەرسيتەتتەر وزدەرىنىڭ عىلىمي-تەحنيكالىق يننوۆاتسيالىق جوبالارىن كورسەتىپ, تاجىريبە الماساتىن ەڭ ىقپالدى الاڭداردىڭ بىرىنە اينالعان.
ءىس-شارا بارىسىندا ءال-فارابي اتىنداعى قازۇۋ شانحاي ۋنيۆەرسيتەتىنىڭ Hi-Tech Park تەحنوپاركىمەن ىنتىماقتاستىق تۋرالى مەموراندۋمعا قول قويدى. قول قويىلعان قۇجات تاجىريبە, ءبىلىم, اقپارات جانە رەسۋرستارمەن الماسۋدى, قۇزىرەتتىلىكتى دامىتۋدى, جاڭا تەحنولوگيالىق شەشىمدەردى ازىرلەپ, ونى كوممەرتسيالاندىرۋ ماقساتىندا بىرلەسكەن جوبالار جاساۋدى كوزدەيدى.
