وزەكتى كيبەرقاۋىپسىزدىك

«KazHackStan» – تاجىريبە الماساتىن, اقپاراتتىق جانە كيبەرقاۋىپ­سىزدىك سالاسىنداعى تۇيتكىلدى ماسەلەلەر­دى تالقىلاپ, شەشۋ جولدارىن ۇسىنا­تىن الاڭ. بيىل كونفەرەنتسيانىڭ پانەل­دىك سەسسيالارىنا شەتەلدەن 30-دان اس­تام سپيكەر شاقىرىلدى. ولار كيبەر­قاۋىپ­­تەردەن قورعاۋدىڭ زاماناۋي جول­دارى مەن ادىستەرىمەن ءبولىستى. العاش­قى كۇنى «قازاقستاندا جانە وڭىردە كيبەر­­تۇ­راق­تى­لىقتى قامتاماسىز ەتۋ» تاقى­رى­بىن­داعى پلەنارلىق سەسسيادا اقپا­راتتىق قاۋىپ­سىزدىك كوميتەتىنىڭ توراعاسى رۋسلان ابدى­قالىقوۆ ادامي كاپيتالدى دامى­تۋ جانە مەملەكەتتىك ساياساتتى جەتىل­دىرۋ, تالاپتاردى بۇزۋ­شىلارعا قاتىستى قابىلدانىپ جاتقان ءىس-شارالار جونىندە وي قوزعادى.

«بيىل ەلىمىزدىڭ كيبەرقاۋىپسىزدىگىن نى­عاي­تۋعا باعىتتالعان «كيبەر­قال­قان-2.0» باع­دار­لاماسى ىسكە قوسىلدى. ءبىز 2025 جىل­عا قاراي ايتارلىقتاي ناتيجە كۇتەمىز: جاھاند­ىق كيبەرقاۋىپسىزدىك يندەكسى: توپ-20 ەلگە كىرۋ. 2025 جىلعا قاراي ءبىزدىڭ ماق­ساتىمىز – «ەلەكتروندىق ۇكىمەتتى» 100 پايىز قورعاۋ. «كيبەرقالقان-2.0» باع­دار­لاماسى ەلىمىزدى تسيفرلىق الەمدە قاۋىپسىز ەتۋگە كەپىلدىك بەرەدى», دەدى كوميتەت توراعاسى.

سونداي-اق كونفەرەنتسيا اياسىندا «OSINT جانە كيبەرقاۋىپسىزدىك: تسيفرلىق الەمدەگى بارلاۋ جانە قورعاۋ» تاقىرىبىندا وتكەن workshop-تا كيبەرشابۋىلداردى تالداۋ جانە تەرگەۋ ورتالىعىنىڭ ساراپشىسى ۆيتالي پەروۆ ءسوز سويلەدى. وقىتۋعا مەملەكەتتىك ورگاندار مەن جەكە سەكتوردان 300-دەن استام قىزمەتكەر قاتىستى. ولار اشىق بارلاۋ كوزى (OSINT) جانە كيبەرقاۋىپسىزدىك ادىستەرىمەن تانىستى. ۆيتالي پەروۆ ءوزىنىڭ كيبەرقاۋىپسىزدىك سالاسىنداعى تاجىريبەسىن ءبولىسىپ, جەلىدەگى كومپانيالار مەن ۇيىمدار ءجيى بەتپە-بەت كەلەتىن قاۋىپ-قاتەرلەردى تىزبەكتەدى. سپيكەر كيبەرشابۋىلداردىڭ الدىن الۋ ءۇشىن قانداي قورعانىس شارالارىن قولدانۋعا بولاتىنىن جانە وعان قانداي قۇرالدار مەن تەحنولوگيالار كومەكتەسە الاتىنىن ءتۇسىندىردى. بۇعان قوسا اكت-نى قولدانۋ ارقىلى قىلمىستاردى اشۋ بويىنشا «CyberPol»-مەن بىرلەسە جۇرگىزىلىپ جاتقان جۇمىستارىن ايتتى.

كونفەرەنتسياعا قاتىسۋشىلار دا وزدەرىنىڭ جيناعان ءبىلىم-بىلىكتەرىن, تاجى­ري­بەلەرىن جانە يدەيالارىن اشىق, بەلسەندى تۇردە ءبولىستى. كيبەر­قاۋىپ­سىزدىككە قاتىستى وقىتۋ مەن دامىتۋدىڭ ءارتۇرلى اسپەكتىسىنە ارنالعان سەسسيالار وسى سالاداعى ەڭ وزەكتى سىن-قاتەرلەر مەن باستامالاردى ايقىندادى.