ينتەرنەتكە قول جەتكىزۋدىڭ بىرىڭعاي ءشليۋزىن پايدالانا وتىرىپ بۇعاتتالعان كيبەرشابۋىل سانى 13 ميلليون بولعان. بۇل وتكەن ايمەن سالىستىرعاندا 3,3 ەسە از.
قازاقستانداعى مەملەكەتتىك, جەرگىلىكتى اتقارۋشى ورگانداردىڭ, كۆازيمەملەكەتتىك جانە جەكە سەكتور ۇيىمدارىنىڭ جەلىلەرىندە بوتنەتتىڭ ەڭ كوپ تارالعان تۇرلەرى - اndromeda, Botnet, Mozi.Botnet جانە Mariposa.Botnet.
الدىڭعى ايمەن سالىستىرعاندا زياندى باعدارلامالىق قامتاماسىز ەتۋ تۇرىندەگى اقپاراتتىق قاۋىپسىزدىك فاكتىلەرى 53,8%-عا ازايدى. فاكتىلەردىڭ دەنى جەرگىلىكتى اتقارۋشى ورگانداردا جانە كۆازيمەملەكەتتىك سەكتوردا تىركەلگەن.
Securitylab-تىڭ مالىمەتى بويىنشا, Andromeda 80 ءتۇرلى زياندى باعدارلامالار توبىن قامتيتىن ەڭ كونە جانە تۇراقتى بوتنەتتەردىڭ ءبىرى. ول سپام تاراتۋ, دەرەكتەردى ۇرلاۋ, DDoS شابۋىلدارى جانە باسقا دا ماقساتتار ءۇشىن پايدالانىلادى. 2017 جىلدىڭ جەلتوقساندا بىرنەشە ەلدىڭ قاۋىپسىزدىك ماماندارى مەن قۇقىق قورعاۋ ورگاندارىنىڭ بىرلەسكەن وپەراتسياسىنىڭ ناتيجەسىندە ءىشىنارا جويىلدى.
ەگەر ءسىز اقپاراتتىق شابۋىلدى بايقاساڭىز, 1400 ءنومىرى بويىنشا (تاۋلىك بويى, تەگىن), @kz_cert_chat_bot telegram-بوتىنا نەمەسە incident@cert.gov.kz (email) پوشتاسىنا جازۋعا بولادى.
