فوتو: gov.kz
جاڭا زەلانديانىڭ وكلەند قالاسىندا 17 قىركۇيەكتە باستالىپ, 21 قىركۇيەككە دەيىن وتەتىن «پوليتسياداعى ايەلدەر» 60-حالىقارالىق كونفەرەنتسياسىنا («International Women in Policing Conference») قاتىسۋشى دەلەگاتسيا قۇرامىنا كادر ساياساتى دەپارتامەنتى باسشىسىنىڭ ورىنباسارى امينا الماعامبەتوۆا, اپك ۇيىمداستىرۋ-تالداۋ جۇمىسى جانە باقىلاۋ باسقارماسىنىڭ باستىعى قۇرالاي كارينا, اپك ەرەكشە تاپسىرمالار جونىندەگى اعا ينسپەكتورى لەيلا الىپباەۆا, ءىىم الماتى اكادەمياسى باستىعىنىڭ عىلىمي جۇمىس جونىندەگى ورىنباسارى جانات ديلبارحانوۆا كىردى.
ايتا كەتسەك, الەمنىڭ 75 ەلىنەن 800-دەن استام ايەل-پوليتسەيدىڭ قاتىسۋىمەن جىل سايىن وتەتىن اتالعان كونفەرەنتسيا ۇلتتار شەرۋىنەن باستالىپ, ايەلدەر دەلەگاتسياسى قازاقستاننىڭ بايراعىن ماقتانىشپەن كوتەردى.
ءىىم ءباسپاسوز قىزمەتىنىڭ مالىمەتىنشە, اتالعان كونفەرەنتسياعا قاتىساتىن قازاقستاننان بارعان ءاربىر ايەل-پوليتسەيدە پولكوۆنيك شەنى بار. حالىقارالىق پوليتسەي ايەلدەردىڭ كونفەرەنتسياسى قۇقىق قورعاۋ قۇرىلىمدارىندا باسشىلىق لاۋازىمىنداعى ايەلدەر اراسىندا تاجىريبە, ءبىلىم, يدەيا الماسۋ ءۇشىن ارنايى ۇيىمداستىرىلعان.
ايتا كەتسەك, بۇل - الەمدەگى قۇقىق قورعاۋ سالاسىنداعى ەڭ بەدەلدى ءىس-شارالاردىڭ ءبىرى.
