مەملەكەت باسشىسىنىڭ پىكىرىنشە, بارشاعا ورتاق ورنىقتى بولاشاققا قول جەتكىزۋ ءۇشىن شۇعىل تۇردە بىرلەسكەن ءىس-قيمىلدار قاجەت
وسىعان بايلانىستى مەملەكەت باسشىسى بىرقاتار ۇسىنىس ايتتى.
ء«وزارا ىنتىماقتاستىقتى نىعايتۋ ءۇشىن ايماقتىق دەڭگەيدە ء«بىرتۇتاس بۇۇ» قاعيداتىن كۇشەيتۋ قاجەت. سوندىقتان ءبىز قازاقستاندا ورتالىق ازيا مەن اۋعانستان ءۇشىن ورنىقتى دامۋ ماقساتتارى جونىندەگى ايماقتىق حاب قۇرۋدى ۇسىنامىز. ول بۇۇ-نىڭ ايماقتاعى جوبالىق قىزمەتىن ءتيىمدى ۇيلەستىرۋدى قامتاماسىز ەتەدى», دەدى قاسىم-جومارت توقاەۆ.
پرەزيدەنت سامميتكە قاتىسۋشىلارعا حالىقارالىق قارجى ارحيتەكتۋراسىنا تىڭ سەرپىن بەرۋدى ۇسىندى. ونىڭ ايتۋىنشا, ودم-عا قول جەتكىزۋ ءۇشىن قارجى جۇيەسى تاڭداۋلى عانا ەلگە ەمەس, بارلىق مەملەكەتكە تەڭدەي ىقپال ەتۋى قاجەت. ەكولوگيا, ءبىلىم بەرۋ جانە دەنساۋلىق ساقتاۋ سالالارىنداعى پروبلەمالاردى شەشۋ ءۇشىن وراسان زور قارجى كەرەك.
قاسىم-جومارت توقاەۆ كليمات, ازىق-ت ۇلىك جانە ەنەرگەتيكا داعدارىسى ورنىقتى دامۋعا ايتارلىقتاي قاۋىپ توندىرەتىنىنە توقتالدى.
ء«بىز بۇۇ-نىڭ باسشىلىعىمەن تەحنيكالىق قولداۋ, عىلىمي زەرتتەۋلەر جانە قاۋىپ-قاتەرلەردى باعالاۋ سالالارىنداعى حالىقارالىق ىنتىماقتاستىقتى نىعايتۋعا ءتيىسپىز. ورنىقتى دامۋ سالاسىنداعى ماقساتتار ءبارىمىز ءۇشىن جارقىن الەمگە جول اشادى. ءبىز بىرىگۋىمىز جانە كۇش-جىگەرىمىزدى ارتتىرۋىمىز قاجەت. قازاقستان بۇۇ-نىڭ ورنىقتى دامۋ سالاسىنداعى تەگەۋرىندى ءارى ءتيىمدى ءرولىن ءاردايىم جاقتايدى», دەدى پرەزيدەنت.
