سىعاناق تاريحي كەشەنىنىڭ اينالاسىنا جۇزدەگەن جاس تاڭنان جينالدى. باستامادان جاڭاقورعان جانە شيەلى اۋداندارىنداعى مۋزەي قىزمەتكەرلەرى, كونە قالاشىق ىرگەسىنەن ورىن تەپكەن سۋناقاتا اۋىلىنىڭ جاستارى دا سىرت قالعان جوق. وبلىستىق مادەنيەت جانە سپورت باسقارماسىنىڭ ءبولىم باسشىسى جانار جاقىپوۆا بۇل قوزعالىستىڭ كونە تاريح كومبەسىندەي سىر ءوڭىرى ءۇشىن ماڭىزى ەرەكشە ەكەندىگىن اتاپ ءوتتى. كيەلى ورىندارعا قامقورلىق تانىتقان جاستار باستاماسى الدا دا جالعاسىن تاباتىنىنا سەنىم ءبىلدىردى.
جالپى, جاڭاقورعان اۋدانىندا رەپۋبليكالىق ماڭىزى بار 6 تاريحي ورىن بار. سولاردىڭ باسىندا ءار ءداۋىر زەرتتەۋشىلەر VI-XVIII عاسىرلار ارالىعىندا گۇل جايناعان قالا بولعان دەگەن بايلام جاساعان وسى سىعاناق تۇر. قاي كەزەڭ دەرەكتەرىندە دە تىنىش ءومىردىڭ, بەرەكە مەن بايلىقتىڭ بەسىگى رەتىندە سۋرەتتەلگەن قالا ورنىنا كەيىنگى جىلدارى ارحەولوگيالىق زەرتتەۋلەر جۇرگىزىلىپ, قۇندى جادىگەرلەر تابىلىپ وتىر. وسىعان وراي تاريحي شاھار باسىنداعى تىرشىلىكتى كورگىسى كەلەتىن تۋريستەر قاتارى ارتىپ وتىر. جاستار وسى كەشەن اينالاسىنداعى شوپتەردى شاۋىپ, كۇل-قوقىستى تازالادى.
وبلىس جاستارى ەكولوگيالىق سانا مەن مادەنيەت دەڭگەيىن ارتتىرىپ, قورشاعان ورتاعا قامقورلىقپەن قاراۋعا ۇندەگەن باستاما اياسىندا قورقىت اتا كەشەنى جانىنداعى اقساق قىز ەسكەرتكىشىنە, جانقوجا بابا مەن قالجان احۋن كەسەنەلەرى اينالاسىندا تازالىق جۇمىستارىن جۇرگىزدى.
قىزىلوردا وبلىسى
