فوتو: https://primeminister.kz/
ءىس-شاراعا شىۇ ەلدەرىنىڭ مينيسترلەرى, حالىقارالىق قوناقۇيلەر, وتاندىق جانە شەتەلدىك تۋروپەراتورلار, اۋە كومپانيالار جەلىلەرىنىڭ باسشىلارى, سونداي-اق ينۆەستورلار, حالىقارالىق ساراپشىلار, ديپلوماتيالىق كورپۋس جانە مەملەكەتتىك ورگانداردىڭ وكىلدەرى قاتىستى.
ۇكىمەت باسشىسى فورۋمدا مەملەكەتتىڭ ءتۋريزمدى دامىتۋعا, ءتول مادەنيەتىمىز بەن داستۇرلەرىمىزدى ناسيحاتتاۋعا ۇلكەن ءمان بەرىپ وتىرعانىن اتاپ ءوتىپ, ەل پرەزيدەنتى قاسىم-جومارت توقاەۆ ءوزىنىڭ جۋىردا جاريالاعان حالىققا جولداۋىندا بۇل سالادا سەرپىندى جوبالاردى ىسكە اسىرۋدى تاپسىرعانىن جەتكىزدى.
ء«بىز «زاكىرلىك» جوبالار ىسكە اسىرىلاتىن ماڭىزدى 10 تۋريستىك ايماقتى انىقتادىق. ولاردىڭ ءبىرى – كاسپي تەڭىزىنىڭ جاعالاۋى. بۇل - ەرەكشە فاۋناسى, كوركەم جاعاجايلارى مەن ەجەلگى كورىكتى جەرلەرى بار ەرەكشە مەكەن. ءبىز كەز كەلگەن قوناق ءۇشىن بارىنشا قولايلى جاعداي جاساۋعا نيەتتىمىز. مەملەكەتتىڭ دە, جەكە سەكتوردىڭ دا كۇش-جىگەرى وسىعان باعىتتالعان. مۇنداي كۇش-جىگەردىڭ جارقىن مىسالى – ىلە-الاتاۋ, شارىن جانە التىن-ەمەل سياقتى ورىنداردا ۆيزيت-ورتالىقتارى مەن ەكو-قوناقۇيلەردىڭ پايدا بولۋى. ەكولوگيالىق تۇراقتىلىق نەگىزدەرىن باسشىلىققا الا وتىرىپ, ءبىز تۋريستەردىڭ سانىنان گورى ولاردىڭ ساياحاتتارىنىڭ ساپاسىن ارتتىرۋعا كوشۋ جولىندا جۇمىس ىستەپ جاتىرمىز», دەدى ءا.سمايىلوۆ.
ول قازاقستاندا ازاماتتارى ۆيزاسىز جۇرە الاتىن مەملەكەتتەردىڭ سانى 80-گە دەيىن ارتقانىن ەسكە سالدى. سونىمەن قاتار حالىقارالىق اۋە قاتىناسىنىڭ گەوگرافياسى كەڭەيىپ كەلە جاتقانىن دا ايتتى. كەيىنگى ء ۇش جىلدا سالاعا $4 ملرد كولەمىندە ينۆەستيتسيا تارتىلىپ, 400-دەن استام تۋريستىك نىسان سالىنىپ, Hilton, Marriott, Wyndham, Accor جانە ت.ب. سياقتى 20-دان استام تانىمال حالىقارالىق قوناق ءۇي جەلىلەرى ىسكە قوسىلعانىن اتاپ ءوتتى.
«ۆيزالىق جانە كوشى-قون رەجيمىن ودان ءارى جەتىلدىرۋ جونىندە شارالار قابىلداۋ, ۆيزا الۋ راسىمدەرى مەن اۋەجايلاردا باقىلاۋدان ءوتۋدى دە جەڭىلدەتۋ قاجەت. ءتۇرلى تۋريستىك باعىتتاردى ينفراقۇرىلىممەن قامتاماسىز ەتۋ ۇلكەن ماڭىزعا يە ەكەنىن كورىپ وتىرمىز. بۇل تۋرالى بيزنەس تاراپى دا ۇدايى كوتەرىپ كەلەدى. ءبىز بۇل ماسەلەگە رەسپۋبليكالىق دەڭگەيدە دە, جەرگىلىكتى دەڭگەيدە دە قولداۋدى ارتتىرۋعا نيەتتىمىز», دەدى پرەمەر-مينيستر.
ءتۋريزمدى دامىتۋ جولىندا سەرۆيس پەن قىزمەتتەردىڭ ساپاسىن ارتتىرۋ ءۇشىن تسيفرلاندىرۋدى جانداندىرۋ قاجەت ەكەنىن دە ەسكە سالدى.
ءسوزىنىڭ سوڭىندا ءا.سمايىلوۆ شەتەلدىك دەلەگاتسيا وكىلدەرىن كەلەسى جىلى استانا قالاسىندا وتەتىن دۇنيەجۇزىلىك كوشپەندىلەر ويىنىن قوناق رەتىندە كەلۋگە شاقىردى. فورۋم قورىتىندىسىندا تۋريزم سالاسىنداعى قازاقستاندىق جانە شەتەلدىك كومپانيالار ءوزارا ىنتىماقتاستىق تۋرالى كەلىسىمدەرگە قول قويدى.
