سۋرەتتى تۇسىرگەن – ەرلان ومار, «EQ»
جوعارى وقۋ ورىندارىنداعى ءبىلىم ساپاسىن الەمدىك دەڭگەيگە ساي جەتىلدىرۋ قاجەتتىلىگىن ءومىردىڭ ءوزى تالاپ ەتىپ وتىر. پرەزيدەنت تە بولاشاق دامۋىمىز ءبىلىم سالاسىندا يننوۆاتسيا جەتىستىكتەرىن كەڭىنەن پايدالانۋعا بايلانىستى ەكەنىن ەسكەرتتى. اسىرەسە ءبىلىم بەرۋ سالاسىنداعى كوپتەگەن وزگەرىس جوعارى وقۋ ورىندارىنداعى كۇردەلى ماسەلەلەردى انىقتاپ بەردى. جولداۋدا دايارلاناتىن مامانداردىڭ ساپاسىنا, ۇزدىكسىز ءبىلىم مەن عىلىمي جەتىستىكتەردى يگەرۋدىڭ ۇلتتىق ەكونوميكاعا تيگىزەتىن اسەرىنە, سالانى جەتىلدىرۋدىڭ ماڭىزىنا توقتالدى. قازىرگى كەزدە باسقارۋدىڭ زاماناۋي ءادىس-تاسىلدەرىن مەڭگەرگەن ماماندارعا دەگەن قاجەتتىلىك كۇننەن-كۇنگە ارتىپ كەلەدى.
جولداۋداعى مىندەتتەر قازۇۋ-دا باسەكەگە قابىلەتتى ماماندار دايارلاۋعا, جاڭا ءبىلىم باعدارلامالارىن جۇزەگە اسىرۋعا مۇمكىندىك بەرەدى. قازىر ۋنيۆەرسيتەتتىڭ مەنەدجمەنت كافەدراسىندا بولون ۇدەرىسىنە سايكەس, شەتەلدىڭ جوعارى وقۋ ورىندارىمەن تىعىز بايلانىس ورناتىپ, ءبىلىم باعدارلاماسى ستاندارتىن تاجىريبە جۇزىندە شىڭداۋعا قول جەتكىزىپ وتىر.
ستۋدەنتتەر, ماگيسترانتتار, دوكتورانتتار اقش (ۆاشينگتون), يتاليا, نيدەرلاند, پولشا, رەسەي (رۋدن), چەحيا مەملەكەتتەرىنىڭ ۋنيۆەرسيتەتتەرىندە ءبىلىم الماسۋ بويىنشا اكادەميالىق تاعىلىمدامادان ءوتىپ جاتىر. ۋنيۆەرسيتەتىمىز عىلىم جانە جوعارى ءبىلىم مينيسترلىگىنىڭ 2023-2025 جىلدارعا ارنالعان عىلىمي جانە عىلىمي-تەحنيكالىق جوبالارىن گرانتتىق قارجىلاندىرۋ كونكۋرسىندا 75 جوبانى جەڭىپ الدى. ونىڭ ىشىندە مەنەدجمەنت كافەدراسىنىڭ عالىمدارى ءۇش جوبانى ورىندايدى.
ەكونوميكا جانە بيزنەس جوعارى مەكتەبىندە تەوريالىق جانە قولدانبالى پاندەردى وقىتۋدى اكادەميالىق داستۇرگە ساي جوعارى دەڭگەيدە جۇزەگە اسىرىپ كەلەدى. ۋنيۆەرسيتەت جوعارى بىلىكتى كادرلاردى دايارلاۋدىڭ ۇزدىك وتاندىق تاجىريبەسىنە سۇيەنە وتىرىپ, مەملەكەتتىك قىزمەتكە مامان دايارلاۋدىڭ قۇزىرەتتىلىگىن قالىپتاستىرۋعا ۇمتىلىپ كەلەدى.
مەنەدجمەنت كافەدراسىنىڭ پروفەسسور-وقىتۋشىلارى مەملەكەت باسشىسىنىڭ ەل ەكونوميكاسىن جان-جاقتى تالداپ, دامۋدىڭ ستراتەگياسىن كورسەتكەن جولداۋىن جۇزەگە اسىرۋ باعىتىندا عىلىمي-پەداگوگيكالىق شەبەرلىگىن, ىزدەنىسىن ارتتىرادى دەپ سەنىممەن ايتا الامىز.
وڭالبەك ابراليەۆ,
ءال-فارابي اتىنداعى قازۇۋ مەنەدجمەنت كافەدراسىنىڭ پروفەسسورى, ەكونوميكا عىلىمدارىنىڭ دوكتورى
