مادەنيەت پەن ادىلەت

راس, ىزگىلىكتى قوعامنىڭ ىرگەسى ادىلدىكتىڭ سالتانات قۇ­­­­رۋى­مەن نىعايادى. مەم­لە­كەت باسشىسى قاسىم-جومارت توقاەۆ بۇعان اۋەلدەن باسىمدىق تانىتىپ, سايلاۋال­دى تۇعىرناماسىنا ۇستىن بول­عان ءۇش ۇستانىمىنىڭ ءبىرىن ادىلدىك دەپ اتادى. بيىل­عى جولداۋىندا دا بۇل ما­سە­لەگە ەرەكشە ءمان بەرىل­دى. ادىلدىككە باستايتىن قا­دام – جەمقورلىقتى ءتۇپ-تا­مى­رى­مەن جويۋ. پرەزيدەنت ەل تىزگىنىن ۇستاعاننان كەيىن حا­لىق­قا بەرگەن ۋادەسىنە بەرىك بولاتىنىن ايتىپ, ۇلىقتاۋ را­سىمىندە ون نەگىزگى باعىتتى بەلگىلەدى. سونىڭ قاتارىندا سىبايلاس جەمقورلىققا قار­سى ءتيىمدى ءىس-قيمىلدار نازار­عا الىندى.

بىراق ءبارىن وزىمىزدەن باس­تاۋىمىز كەرەك ەكەنىن ەستەن شىعارماعان ءجون. بۇگىندە اۋداندىق تاريحي-ولكەتانۋ مۋزەيىندە جەمقورلىقتىڭ الدىن الۋ ماقساتىندا جىل سا­يىن ارنايى جوسپار ازىرلەنىپ, سول بويىنشا ءىس-شارالار ۇيىمداستىرىلىپ كەلەدى.

مۋزەي قىزمەتكەرلەرىنىڭ جيىندارىندا جەمقورلىقپەن كۇرەسۋدى اركىم وزىنەن باستاۋ كەرەكتىگى تۇراقتى ەسكەرتىلەدى.  مۋزەيگە كەلۋشى­لە­رىمەن جەمقورلىق ماسەلەسى تۋرالى دوڭگەلەك ۇستەل ۇيىم­داس­تىرىلىپ, ءىس-شارا كەزىندە ولار ءوز پىكىرلەرى مەن ويلارىن اشىق ءبىلدىردى.

جاسىراتىنى جوق, سىبايلاس جەمقورلىقتىڭ ءجيى بوي كورسەتەتىن ءتۇرى – پاراقورلىق. ءبىرىنشى كەزەكتە پارا بەرۋدىڭ سەبەپتەرىن, پارا الۋدىڭ جاع­دايلارىن ءتۇپ-تامىرىن جويۋ ءۇشىن قوعام بولىپ بىرى­گىپ, بەل­سەندىلىك تانىتۋى­مىز قا­جەت. ياعني پارا بەرۋ دە, پارا الۋ دا ۇلكەن قىلمىس رەتىندە سا­نالاتىنداي قوعامدىق سا­نا قالىپتاسۋى قاجەت. پا­را­قورلىق مەملەكەتتىك اپ­پا­­راتتىڭ قالىپتى قىز­مەت ەتۋىنە بوگەت بولىپ, بيلىك جانە باسقارۋ ورگان­دا­رىنىڭ بە­­دەلىنە نۇقسان كەلتىرەتىنى ءسوزسىز. زاڭدىلىق قاعي­دا­لا­رىن جوققا شىعا­رىپ, ازا­مات­تاردىڭ كونستيتۋ­تسيا­لىق قۇ­قىق­تارى مەن زاڭدى مۇد­دە­­لە­رىنە قىسىم جاسايدى.

ەگەر سىبايلاس جەم­قور­لىق جويىلسا, حالىق­تىڭ بي­لىك­كە سەنىمى پايدا بولىپ, كۇ­دىك تە ساپ تى­­­يىلار ەدى. سون­دىق­تان ەلىمىزدىڭ ءاربىر ازا­ماتى كونستيتۋتسيانى, قۇ­قى­ق­­تارىن جەتىك ءبىلىپ, ءجىتى ءتۇسىنىپ, ابىرويى مەن قادىر-قا­سيەتىنە قۇرمەتپەن قاراۋ­عا ءتيىس. سوندا عانا جەم­قور­لىققا جول بەرىلمەيدى. اري­نە, جەمقورلىق ءدارى بە­رىپ ەم­دەيتىن سىرقات ەمەس. سون­­دىقتان ونىڭ الدىن الىپ, قوعامنان جويىپ, ونىڭ ۇل­عايۋى­نا جول بەرمەۋگە بىر­لەسە وتى­رىپ جۇمىس جۇر­گىزگەن جاع­داي­دا عانا وڭ ناتي­جە بولادى.

تولە نارجانوۆ,

بايزاق اۋداندىق تاريحي-ولكەتانۋ

مۋزەيىنىڭ قىزمەتكەرى

جامبىل وبلىسى