2023 جىل – تۇركسوي ۇيىمىنىڭ شەشىمىمەن تۇركى الەمىندە جۇرگەنوۆ جىلى بولىپ جاريالانعان ەدى. ماقسات – 39 جاسىندا ساياسي قۋعىن-سۇرگىن قۇربانى بولعان قايراتكەردىڭ قازاق رۋحانياتى مەن ورتالىق ازيا حالىقتارىنىڭ ءبىلىمى جانە مادەنيەتىن دامىتۋعا قوسقان زور ەڭبەگىن ناسيحاتتاۋ. ت. جۇرگەنوۆ قازاسسر وقۋ-اعارتۋ كوميسسارى قىزمەتىندە ءجۇرىپ, 1937 جىلى قۋىن-سۇرگىنگە ۇشىراعانعا دەيىن ەلدىڭ تۇكپىر-تۇكپىرىندە مەكتەپتەر, مادەنيەت وشاقتارى, حالىق تەاترلارىن اشىپ ۇلت مادەنيەتىن كوتەرۋگە ۇلكەن ەڭبەك ءسىڭىردى. سونداي-اق 1936 جىلى ماسكەۋدە قازاقستان مادەنيەتىنىڭ ونكۇندىگىن وتكىزۋدە ايرىقشا ۇيىمداستىرۋشىلىق قىرىمەن تانىلدى.
ت. جۇرگەنوۆكە ارنالعان ءىس-شاراعا الماتىدان ۇزاقباي ق ۇلىمبەتوۆتىڭ قىزى, قازاقستاننىڭ ەڭبەك سىڭىرگەن قايراتكەرى ورىنشا قارابالينا-قازىباەۆا, قازاقستان جازۋشىلار وداعىنىڭ مۇشەسى – زەينەپ احمەتوۆا, قر ۇعا اكادەميگى, تاريح عىلىمدارىنىڭ دوكتورى حانگەلدى ءابجانوۆ قاتىستى.
«ت. جۇرگەنوۆ جانە تۇركى الەمىنىڭ رۋحاني بىرەگەيلىگى» اتتى عىلىمي كونفەرەنتسيادا عالىمدار 1938 جىلى قازاقتىڭ 19 كوميسسارى ءبىر تۇندە اتىلعان الماتى تۇبىندەگى قاندىسايدا مارقۇمداردى قايتا جەرلەپ, ەسكەرتكىش قويۋ جانە اقتوبەدە تەمىربەك جۇرگەنوۆ اتىنداعى مۋزەي ءۇيىن اشۋدى ۇسىندى.
اقتوبە قالاسىنداعى ۇزاقباي ق ۇلىمبەتوۆ اتىنداعى №64-ءشى جانە باۋىرجان مومىش ۇلى اتىنداعى №62-ءشى مەكتەپتەردە «باۋكەڭنىڭ ءتالىمى» تاقىرىبىندا وقۋشىلاردىڭ ورىنشا جانە زەينەپ اپايلارمەن كەزدەسۋى ءوتتى. 15 قىركۇيەكتە تەلجان جامانمۇرىنوۆ, ۇزاقباي ق ۇلىمبەتوۆ, تەلجان شونان ۇلىنىڭ ۇرپاقتارى ايتەكە بي جانە ىرعىز اۋداندارىنا ساپار شەگىپ, قۋعىن-سۇرگىن قۇرباندارى بولعان ءۇش ارىسقا تۋعان جەرىندە اس بەرمەكشى.
