پاندىك كابينەتتەرمەن, زەرتحانالارمەن جاراقتالعان زاماناۋي مەكتەپ 1500 بالانىڭ ساپالى ءبىلىم الۋىنا لايىقتالعان. جاراتىلىستانۋ, ماتەماتيكا جانە اعىلشىن ءتىلىن تەرەڭدەتۋگە نەگىزدەلگەن ءبىلىم ورداسىندا تەحنولوگيا ءپانى بويىنشا ەر بالالار اعاش وڭدەۋ, قىش بۇيىمدار جاساۋ ىسىنە ماشىقتانسا, قىزدار تىگىن تىگىپ, اسپازدىقتى يگەرەدى.
الماتى قالالىق ءبىلىم باسقارماسىنىڭ مالىمەتىنشە, «جايلى مەكتەپ» جوباسى اياسىندا بۇل اۋداندا تاعى 4 مەكتەپ سالىنادى. بۇگىندە الماتى قالاسى مەكتەپتەرىندەگى ورىن جەتىسپەۋشىلىگى 27 500-ءدى قۇرايدى. وتكەن جىلى 17 ءبىلىم نىسانى ىسكە قوسىلسا, بيىل جاڭا 12 ءبىلىم بەرۋ وشاعى بالالاردى قابىلدادى. ونىڭ 9-ى – جەكەمەنشىك, 2-ءى – قوسىمشا عيمارات. جىل سوڭىنا دەيىن تاعى 2 قوسىمشا عيماراتتى ىسكە قوسۋ كوزدەلگەن.
ورتا ءبىلىم بەرۋ ۇيىمدارىندا پاندىك كابينەتتەردىڭ 75,6 پايىزى جاڭارتىلدى. مەكتەپتەردە بارلىعى 847 پاندىك كابينەت (حيميا, فيزيكا, بيولوگيا), ونىڭ ىشىندە 640 كابينەت زاماناۋي جابدىقتارمەن (جاڭا موديفيكاتسيامەن) جاراقتاندىرىلدى. سونىمەن قاتار 75 STEM جانە روبوتتەحنيكا كابينەتتەرى ساتىپ الىندى. بۇعان قوسا جان باسىنا شاققانداعى قارجىلاندىرۋ اياسىندا تاعى 147 كابينەت, ياعني 34 حيميا, 31 فيزيكا, 39 بيولوگيا, 23 STEAM جانە 20 روبوتتەحنيكا كابينەتى جاراقتالعان. بۇل بالالاردىڭ جاراتىلىستانۋ-ماتەماتيكالىق تسيكلدىك پاندەر بويىنشا ءبىلىم الۋىنا كەڭ مۇمكىندىك بەرەدى.
جاڭا وقۋ جىلىندا قالاداعى 323 مەكتەپ بالالاردى قابىلداعان. ونىڭ 215-ءى – مەملەكەتتىك, 108-ءى – جەكەمەنشىك. بيىل جەرگىلىكتى بيۋدجەتتەن قارجىلاندىرىلاتىن «جالپىعا بىردەي وقىتۋ» قورىنان مەكتەپ فورماسى مەن كەڭسە كەرەك-جاراقتارىن ساتىپ الۋ ءۇشىن ءبىر بالاعا 43 مىڭ تەڭگەدەن بەرىلىپ, وسى قوردان حالىقتىڭ الەۋمەتتىك وسال ساناتىنا جاتاتىن 15 مىڭنان اسا الماتىلىق وقۋشىعا كومەك كورسەتىلگەن.
الماتى
