https://joryq.kz/
جەتىنشى كەزەڭدە قوستاناي وبلىسىنىڭ كومانداسى كومبەگە الدىمەن كەلسە, استانا قالاسىنىڭ شاباندوزدارى ەكىنشى جەتتى. ۇشتىكتى اقتوبە وبلىسىنىڭ جىگىتتەرى تۇيىندەدى. جورىق مارافونىنا ۇزىن-ىرعاسى 19 كوماندا قاتىسىپ, سورەدەن جىبەرىلگەن بولاتىن. جەتى كەزەڭنەن كەيىن 7 كوماندا ىعىسىپ جارىستى توقتاتتى. قالعان 12 كوماندا شاباندوزدارى ءالى 650 شاقىرىمدى ءوندىرۋى كەرەك.
جوبا جەتەكشىسى, «JORYQ» ات سپورتى فەدەراتسياسىنىڭ پرەزيدەنتى باقىتجان تۇرلىبەك قالعان كوماندالار اراسىنداعى تارتىس تا قىزا تۇسەدى دەپ وتىر. ويتكەنى بارلىعى دا تىڭ اتتارىن ەرتتەپ مىنەدى.
«بىلتىرعى مارافون-بايگەدە 600 شاقىرىمدى 9 كوماندا 32 اتپەن وتسە, بيىل 650 شاقىرىمدى 12 كوماندا 41 اتپەن العاشقى كەزەڭدى اياقتاپ وتىر. بىلتىر 650 شاقىرىمدى ءبىرىنشى بولىپ باعىندىرعان كوماندانىڭ ۋاقىتى شامامەن 56 ساعاتتى قۇراسا, بيىل 42 ساعاتتا ءجۇرىپ ءوتتى. بۇل اتتاردىڭ بابىندا ەكەنىنىڭ دالەلى. ەكىنشىدەن, باسەكەنىڭ وتە جوعارى ەكەنىن دە ايقىندايدى. سونداي-اق 1-كەزەڭنىڭ 4 اتى كوماندادان تىس 1300 شاقىرىمدى باعىندىرۋعا بەكىنىپ وتىر. ونىڭ ءبارى مال دارىگەرىنىڭ رۇقساتىمەن جۇزەگە اسادى», دەدى ب.تۇرلىبەك.
