ءوڭىر باسشىسى اسايىن بايحانوۆ وبلىس ورتالىعى اكىمى جۇمىسىنىڭ باسىم باعىتتارىن ايقىنداپ, قىزمەتىنە تابىس تىلەدى.
«پاۆلوداردى ودان ءارى دامىتۋ, اباتتاندىرۋ, قالا تۇرعىندارىنىڭ ءومىرىن جاقسارتۋ - جۇمىستاردىڭ باسىم باعىتتارى بولۋى ءتيىس. ەڭ الدىمەن, جىلۋ بەرۋ ماۋسىمىنىڭ باستالۋىن جانە ونىڭ شتاتتىق رەجيمدە ءوتۋىن قامتاماسىز ەتۋ قاجەت. سونداي-اق قالا اكىمدىگىنىڭ جۇمىسىندا حالىقتىڭ وتىنىشتەرىنە بەلسەندى جانە ۋاقتىلى جاۋاپ بەرۋ, مەملەكەتتىك ساتىپ الۋدى ءتيىمدى جوسپارلاۋ جانە مەردىگەرلەردىڭ جۇمىسىن قاتاڭ باقىلاۋ قاجەت», دەپ اتاپ ءوتتى اسايىن بايحانوۆ.
حاسار ايتپەك ۇلى 1986 جىلى تۋعان, ەكى جوعارى ءبىلىمى بار.
2006 جىلى قازاق قۇقىقتانۋ جانە حالىقارالىق قاتىناستار ينستيتۋتىن «قۇقىقتانۋ باكالاۆرى» ماماندىعى بويىنشا, 2014 جىلى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىن «كولىك قۇرىلىسى» ماماندىعى بويىنشا اياقتاعان. تەحنيكا جانە تەحنولوگيا ماگيسترى.
ەڭبەك جولىن 2008 جىلى مەملەكەتتىك ەمەس قۇرىلىمداردا باستادى.
2017 جىلدان 2021 جىلعا دەيىن وبلىس اكىمى اپپاراتىنىڭ باس ينسپەكتورى, تەرەڭكول جانە شارباقتى اۋداندارى اكىمدەرىنىڭ ورىنباسارى, ەكىباستۇز قالاسى اكىمىنىڭ ورىنباسارى, اقسۋ قالاسى اكىمى اپپاراتىنىڭ باسشىسى, «پاۆلودار وبلىسىنىڭ قۇرىلىس باسقارماسى» مم باسشىسى قىزمەتتەرىن اتقاردى.
2021 جىلعى تامىزدان 2022 جىلعى جەلتوقسانعا دەيىن - پاۆلودار قالاسى اكىمىنىڭ ورىنباسارى.
2022 جىلدىڭ جەلتوقسان ايىنان باستاپ پاۆلودار وبلىسى اكىمىنىڭ ءبىرىنشى ورىنباسارى قىزمەتىن اتقاردى.
