فوتو: gov.kz
بۇگىندە جوعارى وقۋ ورنىنا ۇبت تاپسىرماي ءتۇسۋ مۇمكىندىگىن 604 جاس پايدالاندى. ماسەلەن, ءال-فارابي اتىنداعى قازاق ۇلتتىق ۋنيۆەرسيتەتىنە – 19, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنە – 17, م.اۋەزوۆ اتىنداعى وڭتۇستىك قازاقستان ۋنيۆەرسيتەتىنە – 15, س.تورايعىروۆ ۋنيۆەرسيتەتىنە – 10 ازامات تەگىن وقۋعا تۇسكەن.
اقىلى نەگىزدە ۇبت-نى ەسەپكە الماعاندا ا.مىرزاحمەتوۆ اتىنداعى كوكشەتاۋ ۋنيۆەرسيتەتىنە – 73, تورايعىروۆ ۋنيۆەرسيتەتىنە – 45, ش.مۇرتازا اتىنداعى تاراز حالىقارالىق يننوۆاتسيالىق ينستيتۋتىنا – 51, قورقىت اتا اتىنداعى قىزىلوردا ۋنيۆەرسيتەتىنە – 35 ادام وقۋعا ءتۇستى.
اتالعان فاكتورلاردى ەسكەرە كەلە, قورعانىس مينيسترلىگى ستۋدەنتتەردىڭ بۇل ساناتىن جاتاقحانامەن جانە شاكىرتاقىمەن قامتاماسىز ەتە وتىرىپ, گرانتتار بەرۋ پروتسەسىن زاڭنامالىق رەتتەۋ جۇمىستارىن جۇرگىزىپ جاتىر.
ەسكە سالا كەتەيىك, اسكەري قىزمەتشىلەردى تەگىن وقۋعا ىرىكتەۋ قورعانىس مينيسترلىگىنىڭ پورتالىندا ورنالاسقان «سروچنيكي 2.0» اقپاراتتىق جۇيەسى ارقىلى جۇرگىزىلەدى. قازىرگى ۋاقىتتا بۇل رەسۋرستا 38 316 مەرزىمدى قىزمەت ساربازى تىركەلگەن.
2022 جىلدىڭ كۇزىندە اسكەرگە شاقىرىلعان 13 805 اسكەري قىزمەتشىنىڭ باعالاۋ كورسەتكىشتەرىن ەنگىزۋ بويىنشا جوسپارلى جۇمىس جۇرگىزىلىپ جاتىر. ولار ءۇشىن كۆوتالاردى ءبولۋ وسى جىلدىڭ قازان-قاراشا ايلارىنا جوسپارلانعان. سونىمەن بىرگە 2023 جىلدىڭ كوكتەمىندە اسكەرگە شاقىرىلعان ساربازداردى دا تىركەۋ ءجۇرىپ جاتىر. قازىرگى ۋاقىتتا 11 948-دەن استام ادام تىركەلگەن.
قورعانىس مينيسترلىگى جوبانى ودان ءارى تانىمال ەتۋ ماقساتىندا ايتارلىقتاي جۇمىستار جۇرگىزىپ جاتىر. ماسەلەن, جاستاردىڭ جەكە جوسپارلارى مەن اسكەردىڭ ءرولى تۋرالى بەينەروليكتەر دايىندالدى.
وسىنداي ساۋالنامادان Astana IT University-ءنىڭ ءبىرىنشى كۋرس ستۋدەنتتەرى ايدار ناۋشا, ءامىر قايىروۆ جانە ادىلەت قۇداشەۆ ءوتتى. ولار – جوعارى وقۋ ورىندارىندا تەگىن ءبىلىم الۋ سەرتيفيكاتتارىن يەلەنگەن ازاماتتار. ايدار ناۋشا قارۋلى كۇشتەردىڭ اۋە شابۋىلىنا قارسى قورعانىس اسكەرلەرىندە قىزمەت ەتتى. قازىرگى ۋاقىتتا «مەديا-تەحنولوگيالار» باعىتى بويىنشا ءبىلىم الىپ جاتىر.
ۋنيۆەرسيتەت بازاسىنداعى اسكەري كافەدرا ەلدىڭ جۇمىلدىرۋ رەزەرۆىن تولىقتىرۋ ءۇشىن زاپاستاعى وفيتسەرلەر مەن سەرجانتتاردى دايىندايدى. وقۋ كەزىندە ۇشەۋى دە اسكەري كافەدرادا وقىپ, زاپاستاعى وفيتسەر بولۋعا نيەت بىلدىرگەن.
قازىرگى ۋاقىتتا قورعانىس مينيسترلىگىنەن باسقا بۇل جوباعا ۇلتتىق ۇلان مەن مەملەكەتتىك كۇزەت قىزمەتى دە قاتىسادى. كەلەشەكتە ۇقك شەكارا قىزمەتى مەن توتەنشە جاعدايلار مينيسترلىگى دە «سروچنيكي 2.0» جۇيەسىنە قوسىلاتىنىن ايتا كەتۋ كەرەك.
سەرتيفيكاتتىڭ بار-جوعىن تەكسەرۋ ءۇشىن «ىزدەۋ» بولىمىندەگى «سروچنيكي 2.0» جۇيەسىنە ءوز دەرەكتەرىڭىزدى, ياعني «تەگىڭىزدى, اتىڭىزدى, اكەڭىزدىڭ اتىن ەنگىزىپ», «تابۋ» وپتسياسىن باسۋ قاجەت.
ەستەرىڭىزگە سالا كەتەيىك, جاستار بۇل سەرتيفيكاتتى ەكى جىل بويى پايدالانا الادى.
