ءبىر قىزىعى, ادەتتەگىدەي, ايى-كۇنى جاقىنداعان اياعى اۋىر كەلىنشەك پەرزەنتحاناعا تولعاقپەن تۇسكەندە, ۋلترادىبىستىق زەرتتەۋ ىشتەگى شاقالاقتىڭ سالماعى 4 800 گرامم ەكەندىگىن كورسەتكەن.
جاڭا تۋعان نارەستەلەر بولىمشەسىنىڭ مەڭگەرۋشىسى ساۋلە كەنەنباەۆانىڭ ايتۋىنشا, بۇل ۋلترادىبىستىق زەرتتەۋ كەزىندە بالانىڭ سالماعى باستىڭ بيپاريەتالدى جانە قۇيرىق-پاريەتالدى ولشەمىنە بايلانىستى ەسەپتەلەدى.
اكۋشەر-ماماندار نارەستە اناسىنىڭ قۇرساعىندا دۇرىس جاتپاعاندىقتان, كەسار تىلىگىمەن الۋعا شەشىم قابىلدايدى. الايدا ءسابيدىڭ ءدال وسىنداي سالماقپەن دۇنيەگە كەلگەنىنە تەك كەسارلىق ءبولىمنىڭ دارىگەرلەرى عانا ەمەس, ءتىپتى اناسى دا تاڭعالعان.
«وسى كۇنگە دەيىن پەرزەنتحانامىزدا مۇنداي الىپ تۋماعان, سالماعى 6300 گرامم ءسابي – بىزدە دۇنيەگە كەلگەن ەڭ ۇلكەن بالا. بوسانۋ وپەراتسيالىق ادىسپەن جۇزەگە اسىرىلدى. وپەراتسيا ءساتتى ءوتتى. بوساندىرۋ ويداعىداي اياقتالدى. انا دا, ۇلى دا ساپ-ساۋ, امان-ەسەن. بۇل وتباسىنداعى ءۇشىنشى بالا», دەيدى ساۋلە كەنەنباەۆا.
قازىر بالپاناقتاي بالا تاپقان انا مەن ءسابيى پەرزەنتحانانىڭ مەديتسينا قىزمەتكەرلەرىنىڭ تاۋلىك بويى باقىلاۋىندا جانە جۋىق ارادا پەرزەنتحانادان شىعۋعا دايىندالىپ جاتىر.
الماتى
