تۇركىستاندىقتار جەڭىمپاز اتاندى

«بۇل شارا ۇكىمەتتىڭ دەنە شىنىقتىرۋ مەن سپورتتى دامىتۋدىڭ 2029 جىلعا دەيىنگى تۇجىرىمداماسى مەن تۋريزم جانە سپورت مينيسترلىگىنىڭ 2023-2027 جىلدارعا ارنالعان دامۋ جوسپارىن ىسكە اسىرۋعا باعىتتالىپ وتىر», دەيدى ۇيىمداستىرۋشىلار.

فەستيۆالعا ەلىمىزدىڭ بارلىق وبلىستارىنان 1381 سايىسكەر قاتىستى. ولار اسىق اتۋ, اۋدارىسپاق, بايگە, ءداستۇرلى ساداق اتۋ, جامبى اتۋ, جەكپە-جەك, كوكپار, قازاق كۇرەسى, قۇسبەگىلىك, تەڭگە ءىلۋ, توعىزقۇمالاق قاتارلى 11 ۇلتتىق سپورت تۇرلەرى بويىنشا ءوزارا مىقتىلاردى انىقتادى.

جەكە-جەكە تارقاتىپ ايتار بولساق, اسىق اتۋدان پاۆلودار وبلىسى مەن استانا قالاسى (بەس اسىق), اۋدارىسپاقتان اقتوبە وبلىسى, بايگە, جامبى اتۋ, قازاق كۇرەسى, تەڭگە ىلۋدەن تۇركىستان وبلىسى, ءداستۇرلى ساداق اتۋدان استانا قالاسى, جەكپە-جەكتەن سقو, كوكپاردان جامبىل وبلىسى, قۇسبەگىلىكتەن الماتى وبلىسى, توعىزقۇمالاقتان بقو (ەر) مەن پاۆلودار (ايەلدەر) وبلىستارىنىڭ سپورتشىلارى ۇزدىك ونەر كورسەتتى.

سونداي-اق فەستيۆالدىڭ باعدارلاماسىنا ءداستۇرلى ساداق اتۋ سپورتى تۇڭعىش رەت ەنگىزىلسە, تەڭگە ءىلۋ سپورتشىلارى ءبىرىنشى رەت «قوس قۇلاش», «جەتى قۇت», «بەس بەلەس» دەيتىن ءۇش ءتۇرلى ديستانتسياعا ءبولىنىپ جارىستى.

جالپى ەسەپ بويىنشا تۇركىستان وبلىسىنىڭ سايىسكەرلەرى 574 ۇپاي جيناپ جەڭىمپاز اتاندى. ەكىنشى ورىنعا 549 ۇپايمەن استانالىقتار يە بولسا, ۇزدىك ۇشتىكتى جامبىل وبلىسى 460 ۇپايمەن تۇيىندەدى.

وسى ورايدا, فەستيۆالعا قاتىسقان وبلىستاردىڭ كورسەتكەن ناتيجەسى تۋرالى تانىستىرار بولساق: