ءتيىمدى قارىم-قاتىناس ورناتىلدى

ەكىجاقتى ىنتىماقتاستىقتىڭ ورلەۋى مامىر ايىنداعى پرەزيدەنت قاسىم-جومارت توقاەۆتىڭ قىتايعا بارعان رەسمي ساپارىنان كەيىن جاندانا ءتۇستى. قىتاي دەلەگاتسياسىن استا­نادا پرەمەر-ءمينيستردىڭ ورىنباسارى سەرىك جۇمانعارين قابىلداپ, ورتا­لىق قىتايدا ءۇزىلىسسىز جاۋعان جاۋىن­نىڭ كەسىرىنەن بولعان اپاتتا وپات بولعان­دارعا كوڭىل ايتتى جانە ەكى ەلدىڭ ارا­سىنداعى ساۋدا-ەكونوميكالىق ىنتىماق­تاستىقتىڭ دامي تۇسۋىنە ءۇمىت ءبىلدىردى.

قازىر قىتاي قازاقستانعا مول ينۆەستيتسيا قۇيۋشى بەس ەلدىڭ قاتارىندا. كەيىنگى 15 جىلدا قىتاي­دىڭ قازاقستان ەكونوميكاسىنا قۇيعان ينۆەستيتسيا كولەمى 23,5 ملرد دوللارعا جەت­كەن. «پروۆين­تسيانىڭ استاناسى سيان قالاسىنداعى قۇرعاق پورتتا قازاق­ستاننىڭ لوگيس­تيكالىق ورتالىعىنىڭ سالى­نۋى ورتالىق ازيا, ەۋروپا, تۇر­كيا مەن يرانعا كونتەينەرلىك پويىزداردىڭ جونەلتىلۋىنە نەگىزگى تىرەك بولادى», دەدى سەرىك جۇمانعارين ءوز سوزىندە.

مىنە, سونىڭ العاشقىسى بولىپ تايىن­شا اۋدانىنداعى ايماق اۋىلىنا ورن­الاسقان كولىك-لوگيستيكالىق «مەموليۋكس» استىق بازاسىنان قازاقستاندىق كونتەينەرلىك پويىز اتتاندى. ول 1 600 توننا «ايدزيۋ-قىزىلجار» برەندىمەن جىبەرىلگەن العاشقى پارتيا استىقتى تاسىمالدايدى. بۇل وقيعا «چانان» قىتاي-ەۋروپالىق تەمىرجول ەكسپرەسىنىڭ اشىلعانىنا 10 جىل تولۋىنا ارنالدى.

ايتۋلى ءىس-شارادان كەيىن قىتاي­لىق دەلەگاتسيا «تايىنشا-ماي» جشس كەڭسەسىندە سولتۇستىك قازاق­ستان وبلىسى دەلەگاتسياسىمەن ساۋدا-ەكو­نو­ميكالىق كەلىسسوزدەر جۇرگىزدى. كەلىسسوزدەر بارىسىندا «قازاقين­ۆەست» ۇك جانە ايدزيۋي, سونداي-اق «قازنۇرحولدينگ كومپانياسى مەن «حيان ونيز ترەيد گوۋ» كومپانيالارى اراسىندا ىنتىماقتاستىق ورناتۋ تۋرالى مەموراندۋمعا قول قويىلدى.

كەلىسسوزدەن كەيىن دەلەگاتسيا مۇشە­لەرى پەتروپاۆل قالاسى كاسىپ­ورىن­دارى­نىڭ ونىمدەرى كورمەسىمەن تانىستى.

سولتۇستىك قازاقستان وبلىسى