ءتىپتى پارلامەنتتىڭ ارنايى سەسسياسىنا ءتيىستى قارار دايىندادى. ەل كونستيتۋتسياسىنىڭ 1-بابىنا بحارات اتاۋى ەنگىزىلەدى دەپ ءۇندىستان ۇلتتىق كونگرەسىنىڭ باسشىسى دجايرام رامەش الەۋمەتتىك جەلىدە جاريالادى.
«كەزىندە بريتاندىقتار بحارات اتاۋىن ۇندىستانعا اۋىستىرىپ ەدى. ءبىزدىڭ ەل مىڭداعان جىل بويى بحارات اتاۋىمەن تانىلعان. ال ءۇندىستان اتاۋى وتارشىلدىقتىڭ سيمۆولى ىسپەتتەس, سوندىقتان ءۇندىستان دەگەن ءسوز ەل كونستيتۋتسياسىنان الىنىپ تاستالۋى كەرەك», دەيدى ۇكىمەتتەگىلەر.
G20 ءسامميتىنىڭ رەسمي كەشىنە شاقىرۋ قاعازىنا بحارات پرەزيدەنتىنىڭ اتىنان قول قويىلعانىن دا ايتا كەتكەن ءجون. ءۇندىستان حالقى حيندي تىلىندە ءوز ەلىن «بحارات» دەپ اتايدى, بۇل رەسمي قۇجاتتاردا كورسەتىلگەن. ەل اتاۋىن وزگەرتۋ تۋرالى شەشىم 18-22 قىركۇيەك ارالىعىندا وتەتىن پارلامەنتتىڭ ارنايى سەسسياسىندا قابىلدانۋى مۇمكىن.
