فوتو: https://senate.parlam.kz/
م.اشىمباەۆ البانيا قازاقستاننىڭ بالقان تۇبەگىندەگى ماڭىزدى جانە سەنىمدى سەرىكتەستەرىنىڭ ءبىرى ەكەنىن ايتتى. ەكى ەل پارلامەنتارالىق دەڭگەيدە, ونىڭ ىشىندە حالىقارالىق ۇيىمدار اياسىندا ءوزارا ءىس-قيمىلدى ودان ءارى ارتتىرۋ ماڭىزدى ەكەنىنە نازار اۋداردى.
«ەكىجاقتى قارىم-قاتىناسىمىزدىڭ ماڭىزدى باعىتتارىنىڭ ءبىرى پارلامەنتارالىق بايلانىس ەكەنى انىق. ءبىزدىڭ پارلامەنتتىڭ ەكى پالاتاسىندا دا البانيامەن دوستىق توبى قۇرىلعان. البانيا پارلامەنتىندە دە وسىنداي قۇرىلىم قۇرۋ ءوزارا سەرىكتەستىگىمىزدى ودان ءارى نىعايتۋعا ىقپال ەتەر ەدى. ءبىز تەك ەكىجاقتى فورماتتا عانا ەمەس, سونىمەن بىرگە ەقىۇ پارلامەنتتىك اسسامبلەياسى, پارلامەنتارالىق وداق سياقتى حالىقارالىق پارلامەنتتىك ۇيىمدار اياسىندا دا بىرلەسىپ جۇمىس ىستەۋگە دايىنبىز», دەدى م.اشىمباەۆ.
كەزدەسۋدە تاراپتار حالىقارالىق جانە وڭىرلىك كۇن تارتىبىندەگى اۋقىمدى باعىتتارعا نازار اۋداردى. ساۋدا-ەكونوميكالىق جانە مادەني-گۋمانيتارلىق ماسەلەلەرگە دە باسا ءمان بەرىلدى. سەنات توراعاسى پالاتانىڭ مەملەكەت باسشىسىنىڭ باستاماسىمەن قولعا الىنعان رەفورمالاردى ىسكە اسىرۋعا ارنالعان زاڭنامالىق جۇمىسى تۋرالى ايتتى. البانيا پرەزيدەنتى قازاقستاندا جۇرگىزىلىپ جاتقان قوعامدىق-ساياسي وزگەرىستەردى جوعارى باعالاپ, بارلىق باعىتتا ىنتىماقتاستىقتى كەڭەيتۋگە مۇددەلى ەكەنىن ءبىلدىردى.
