فوتو: baribar.kz
ءداستۇرلى تۇردە ءوتىپ كەلە جاتقان كينو مەرەكەسىنە ءار جىلدارى تبيليسيدەن ياكۋتياعا, تاشكەنتتەن ليسسابونعا دەيىن 85 كينەماتوگراف BAIQONYR-دىڭ لاۋرەاتتارى اتانعان. بيىلعى جىلى وتكەن قازاقستان كينوسىنشىلارى قاۋىمداستىعى ۇلتتىق سىيلىعىنىڭ جەڭىمپازدارىن ماراپاتتاۋ راسىمىندە BAIQONYR-دىڭ پرەزيدەنتى ءانۋار كەنجەباەۆ «فەستيۆال قوزعالىسىنا قوسقان ۇلەسى ءۇشىن» ارنايى سىيلىعىنىڭ يەگەرى بولدى. بۇل فەستيۆال بەدەلىنىڭ وسكەنىن كورسەتەتىن جارقىن مىسال. فەستيۆالدىڭ تاعى ءبىر ەرەكشەلىگى, وسى جىلدار ىشىندە كينوفەستيۆال مەملەكەتتىڭ قارجىلىق قولداۋىنسىز وتكىزىلىپ كەلەدى.
فەستيۆال دارحان تولەگەنوۆتىڭ «اعايىندىلار» فيلمىمەن اشىلدى. بۇل شىعارماشىلىق جولىن «بايقوڭىردان» باستاعان رەجيسسەردىڭ تولىقمەتراجدى دەبيۋتى. كارتينا شەتەلدىك فەستيۆالداردە بىرنەشە ماراپاتقا يە بولدى, ولاردىڭ ىشىندەگى ەڭ ماڭىزدىسى – گەرمانياداعى بەدەلدى Oldenburg International Film Festival قازىلار القاسىنىڭ ارنايى جۇلدەسى. تۋىندى وسى كۇزدە پروكاتقا شىعادى.
«دارحان تولەگەنوۆتىڭ «اعايىندىلار» فيلمىنەن باسقا, بىزدە ميحايل كۋلۋناكوۆتىڭ «سوقپاق» ءفيلمىنىڭ كونكۋرستان تىس كورسەتىلىمى بولادى. ەكى رەجيسسەر دە كەزىندە فەستيۆالدىڭ قىسقامەتراجدى فيلمدەر بايقاۋىنا قاتىسقان. ەندى بىزگە تولىقمەتراجدى دەبيۋتتەرىمەن قايتا ورالىپ وتىر. مەنىڭشە, بۇل تاماشا جەتىستىك», دەيدى Baiqonyr كينوفەستيۆالىنىڭ باعدارلامالىق ديرەكتورى ەرجان جۇمابەكوۆ.
بيىلعى جىلدىڭ تاعى ءبىر جاڭالىعى, BAIQONYR اياسىندا جەكە انيماتسيالىق كينوفەستيۆال – ALMATY ANIMATION FESTIVAL وتەدى.
كورەرمەندەر «ارمان» كينوورتالىعىندا تاماشالايتىن جالپى كونكۋرستىق باعدارلاما بىلايشا تۇزىلگەن:
BAIQONYR فەستيۆالى, ونىڭ ىشىندە حالىقارالىق كوركەم جانە دەرەكتى قىسقامەتراجدى فيلمدەر بايقاۋى (6 ەلدەن 18 فيلم) جانە ۇلتتىق كوركەم جانە دەرەكتى قىسقامەتراجدى فيلمدەر بايقاۋى (20 فيلم);
ALMATY ANIMATION FESTIVAL فەستيۆالى, ونىڭ ىشىندە نەگىزگى بايقاۋ (21 فيلم, 4 ەل, سونداي-اق رەسەي, فرانتسيا جانە كانادا بىرلەسىپ شىعارعان فيلم) جانە حالىقارالىق ستۋدەنتتىك انيماتسيالىق فيلمدەر بايقاۋى (23 تۋىندى).
كونكۋرستان تىس باعدارلاما دا قىزىقتى بولادى دەپ كۇتىلۋدە. كينوفەستيۆال اياسىندا تمد ەلدەرىنىڭ كينوتانۋشىلارى مەن سىنشىلارىنىڭ II فورۋمى وتەدى, ونىڭ جۇمىسىنا ءارتۇرلى ەلدەردەن 20-دان استام مامان قاتىسادى. ءبىلىم بەرۋ باعدارلاماسىنىڭ اياسى دا كەڭ: تانىمال شەبەرلەردىڭ دارىستەرى, كينويندۋستريانىڭ وزەكتى ماسەلەلەرى بويىنشا دوڭگەلەك ۇستەلدەر, جاڭا جوبالاردىڭ تۇساۋكەسەرلەرى قامتىلعان.
8 قىركۇيەكتە وتەتىن كورەي انيماتسيالىق كينوسى كۇنى كونكۋرستان تىس باعدارلامانىڭ ماڭىزدى وقيعاسى رەتىندە جوسپارلانعان. ول كورەي-قازاق انيماتسياسىنىڭ ارنايى اۋقىمدى جوباسى اياسىندا وتكىزىلەدى. كورەي تاراپىنان سەرىكتەس – پۋچحونداعى حالىقارالىق انيماتسيا فەستيۆالى (BIAF).
ءىس-شاراعا وڭتۇستىك كورەيادان انيماتسيا رەجيسسەرلەرى لي سون گان مەن يم چەرين كەلەدى. ولار ءوز تۋىندىلارىن ۇسىنىپ, كورەرمەندەردى قىزىقتىرعان سۇراقتارعا جاۋاپ بەرەدى. سونىمەن قاتار چەرين ءدارىس وقيدى, ال لي سون گان قازاقستاندىق جاس اۆتورلارعا شەبەرلىك ساباعىن وتكىزەدى.
كينورەجيسسەرلارمەن بىرگە K-pop مۋزىكاسىنىڭ تانىلىپ كەلە جاتقان جاس جۇلدىزى پەك ا يون-دە كەلەدى, ول فيلمدەردىڭ بىرىندە باستى كەيىپكەردى دىبىستاعان. K-pop جانرىنىڭ جانكۇيەرلەرىن ۇلكەن توسىن سىي كۇتىپ تۇر – ولار پەك ا ءيوننىڭ ەكى ءانىن جاندى داۋىستا تىڭداي الادى.
فەستيۆال ءداستۇرلى تۇردە تمد-عا قاتىسۋشى مەملەكەتتەردىڭ مەملەكەتارالىق گۋمانيتارلىق ىنتىماقتاستىق قورىنىڭ قولداۋىمەن وتكىزىلەدى.
