«جاعالاۋ» پوليگونىندا وتكەن ماراپاتتاۋ راسىمىندە مينيستر كۇردەلى وقۋ-جاۋىنگەرلىك مىندەتتەردى ورىنداۋدا كورسەتكەن شىدامدىلىعى, باتىلدىعى مەن ءوز ىسىنە شىن بەرىلگەندىگى ءۇشىن اسكەري قىزمەتشىلەرگە العىس ايتتى.
– «باتىل تويتارىس» وقۋ-جاتتىعۋىندا ماڭىزدى سىناقتان ابىرويمەن وتە وتىرىپ, وقۋ جىلى ىشىندە ۇيرەنگەن ماشىقتارىڭدى كورسەتتىڭدەر. ەلدىڭ ەگەمەندىگى مەن اۋماقتىق تۇتاستىعىن قورعاۋدى قامتاماسىز ەتۋ ءۇشىن قارقىنىمىز بەن شەبەرلىگىمىزدى ارتتىرۋىمىز قاجەت. اسكەري الەۋەتتى نىعايتۋ, اسكەرلەردىڭ جاۋىنگەرلىك ازىرلىگىن, ۇتقىرلىعىن ارتتىرۋ, ۇزدىكسىز جەتىلدىرۋ جانە دامىتۋ – مىنە, وسىلار قارۋلى كۇشتەردىڭ باستى مىندەتى, – دەپ اتاپ ءوتتى گەنەرال-پولكوۆنيك.
قازاقستان پرەزيدەنتى – قارۋلى كۇشتەردىڭ جوعارعى باس قولباسشىسى قاسىم-جومارت توقاەۆتىڭ اتىنان جاۋىنگەرلىك شەبەرلىگى مەن جوعارى مورالدىق رۋحى ءۇشىن اسكەري قىزمەتشىلەر اتاۋلى ساعاتتارمەن ماراپاتتالدى. سالتاناتتى جاعدايدا مەملەكەت باسشىسىنىڭ اتىنان 32363 اسكەري ءبولىمى كومانديرىنىڭ ورىنباسارى, پودپولكوۆنيك ايدوس يساەۆقا, دەسانتتىق-شابۋىلداۋ اسكەرلەرى قولباسشىسى باسقارماسىنىڭ اعا وفيتسەرى, پودپولكوۆنيك تاراس روجنوۆقا, 58012 اسكەري ءبولىمى پونتوندى كوپىر باتالونى كومانديرىنىڭ ورىنباسارى, مايور ايدوس باقىتبەكوۆكە, 12740 اسكەري ءبولىمى 4 شابۋىلداۋ روتاسىنىڭ مەحانيك-جۇرگىزۋشىسى داۋرەن اۆكۋباەۆقا, 53957 اسكەري ءبولىمى ارميا اۆياتسياسى ارميا ەسكادريلياسىنىڭ اعا ۇشقىشى, كاپيتان ەركەبۇلان قالياقپاروۆقا باعالى سىيلىقتار تارتۋ ەتىلدى.
قورعانىس ءمينيسترىنىڭ اتىنان ينجەنەرلىك-پوزيتسيالىق باتالونى شتابىنىڭ باستىعى, كاپيتان اقجول ىڭكاربەككە, 18404 اسكەري ءبولىمى 2 دەسانتتىق-شابۋىلداۋ روتاسىنىڭ اعا مامان-جۇرگىزۋشىسى, قاتارداعى جاۋىنگەر سايات امانجانعا, 63193 اسكەري ءبولىمى 7 پاراشيۋتتىك-دەسانتتىق روتاسىنىڭ ستارشيناسى, 3-سىنىپتى سەرجانت بەيبىت ساتىمبەكوۆكە, 10228 اسكەري ءبولىمى جوندەۋ تسەحىنىڭ باستىعى, مايور ۆيتالي سوكولوۆقا, 73652 اسكەري ءبولىمىنىڭ تەحنيگى, سەرجانت باتىربەك كەنجەباەۆقا, 26363 اسكەري ءبولىمى ارنايى وڭدەۋ روتاسىنىڭ كومانديرى, اعا لەيتەنانت الىبەك قايراحانعا, 12881 اسكەري ءبولىمى بايلانىس ۆزۆودىنىڭ جۇرگىزۋشىسى, كىشى سەرجانت قايىرجان سارىبايعا, 48386 اسكەري ءبولىمى بارلاۋ توبىنىڭ سەرجانتى, اعا سەرجانت ەرحات جۇماعۇلوۆقا, الماتى وڭىرلىك گارنيزونى اسكەري پوليتسيا باسقارماسىنىڭ اعا وفيتسەرى, مايور ەسبول قاڭلىباەۆقا, 16194 اسكەري ءبولىمى بايلانىس باتالونى شتابىنىڭ باستىعى, كاپيتان فازىل سەيفۋلوۆقا دا اتاۋلى ساعاتتار تابىستالدى.
اۋقىمدى وقۋ-جاتتىعۋ بارىسىندا بولىمشەلەر مەن وعان جۇمىلعان كۇش قۇرىلىمدارىن ۇيلەستىرۋدە قول جەتكەن قۇندى تاجىريبە جەكە قۇرامنىڭ كاسىبي شەبەرلىگىن, اسكەرلەردىڭ جاۋىنگەرلىك ازىرلىگى مەن جاۋىنگەرلىك قابىلەتىن ارتتىرۋعا ىقپال ەتەتىن بولادى.
