«كەلىسىم نورمالارىن ىسكە اسىرۋ قازاقستان-وزبەكستان كەدەندىك شەكاراسىنان قۇبىرلار مەن ەلەكتر جەلىلەرى ارقىلى تاسىمالداناتىن ەنەرگيا رەسۋرستارىن باقىلاۋدىڭ تيىمدىلىگىن ارتتىرادى», دەدى دەپۋتات يرينا سميرنوۆا قوسىمشا بايانداماسىندا.
پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆتىڭ ايتۋىنشا, ەندى ەلدەر تاجىريبەمەن جانە كەدەن زاڭناماسىن بۇزۋدىڭ انىقتالعان فاكتىلەرى تۋرالى اقپاراتپەن الماسا الادى.
حاتتامادا تاراپتاردىڭ كەدەن ورگاندارى بالانسىندا تۇرعان ەسەپكە الۋ توراپتارى كورسەتكىشتەرىن اي سايىن الۋدى, سونداي-اق ەسەپكە الۋ اسپاپتارىنا سالىنعان كەدەندىك سايكەستەندىرۋ قۇرالدارىنىڭ تۇتاستىعىن, سايكەستەندىرۋ قۇرالدارىن جويۋ مەن سالۋدى تەكسەرۋ كوزدەلگەن.
ءماجىلىس كوميتەتتەرى بىرقاتار جاڭا زاڭ جوباسىن جۇمىسقا قابىلدادى. ولاردىڭ قاتارىندا سالىق كودەكسى مەن سالىق كودەكسىن قولدانىسقا ەنگىزۋ تۋرالى زاڭعا, اكىمشىلىك قۇقىق بۇزۋشىلىق تۋرالى كودەكسكە تۇزەتۋلەر, جولاۋشىلاردى اۆتوموبيلمەن تاسىمالداۋ سالاسىنداعى كەيبىر مەملەكەتتىك فۋنكتسيالاردى ءوزىن-ءوزى رەتتەۋگە بەرۋگە قاتىستى وزگەرىستەر, سونداي-اق بىرقاتار حالىقارالىق قۇجاتتار بار. سونداي-اق دەپۋتاتتار جاۋاپتى مەملەكەتتىك ورگاندارعا الەۋمەتتىك-ەكونوميكالىق ماسەلەلەر بويىنشا دەپۋتاتتىق ساۋالدارىن جولدادى.
