فوتو pixabay.com
ايتا كەتسەك, اتىس كەزىندە بىرنەشە ادام جاراقات العان.
وبلىستىق پوليتسيا دەپارتامەنتىنىڭ ءباسپاسوز قىزمەتى ۇسىنعان اقپاراتقا سايكەس, 5 قىركۇيەكتە الكوگولدى ىشىمدىككە ماسايعان شارۋا قوجالىعىنىڭ باسشىسى مەن اۋىل تۇرعىندارىنىڭ ءبىرىنىڭ اراسىندا جانجال بولىپ, ارتى توبەلەسكە ۇلاسقان. جانجال بارىسىندا قوجالىق باسشىسى ءوزىنىڭ Lexus اۆتوكولىگىنەن ايەلىنىڭ اتىنا تىركەلگەن اڭشى مىلتىعىن الىپ, قارسىلاسىنا وق اتقان.
وقيعا سالدارىنان اۋىل تۇرعىنىنىڭ سول جاق جانباسى مەن اياعى جاراقاتتانعان. وق 59 جاستاعى ايەل مەن ونىڭ كىشكەنتاي نەمەرەسىن دە جاراقاتتاعان. الايدا وق جاۋدىرعان كۇدىكتى وقيعا ورنىنان بوي تاسالاعان.
«ادام ولتىرۋگە وقتالۋ فاكتىسى بويىنشا قك-ءنىڭ 24-بابىنىڭ 3-بولىگىنىڭ, 99-بابىنىڭ 1-بولىگىنە سايكەس سوتقا دەيىنگى تەرگەپ-تەكسەرۋ باستالدى. پوليتسيا دەپارتامەنتى ءوڭىردىڭ بارلىق جەكە قۇرامىنا باعدار بەردى. ءتارتىپ ساقشىلارى كۇدىكتىنى ۇستاپ, ۋاقىتشا ۇستاۋ يزولياتورىنا قاماۋعا الدى», دەپ ءتۇسىندىردى بقو پد باستىعى ارمان ورازاليەۆ.
