استانا قالالىق تىلدەردى دامىتۋ جانە ارحيۆ ءىسى باسقارماسى ۇيىمداستىرعان رۋحاني ءىس-شارادا العاشقى بولىپ ءسوز العان اكادەميك, مەملەكەتتىك سىيلىقتىڭ لاۋرەاتى عاريفوللا ەسىم ۇلت ۇستازى تۋرالى پاراساتتى وي ءوربىتتى.
«احمەت بايتۇرسىن ۇلى سەكىلدى تۇلعالار عاسىرلاردا سيرەك تۋادى. ءبىز سونداي كەمەڭگەرى بار باقىتتى حالىقپىز. ونىڭ ەلىمىزگە سىڭىرگەن قىزمەتى ۇشان-تەڭىز. سوندىقتان دا اقاڭدى «ۇلتتىڭ رۋحاني كوسەمى» دەپ ايتامىز. قازاق جۇرتى باردا قازاق ءتىلى دە جاساي بەرەدى. ال ءتىلدى ساقتاۋ – ءاربىر قازاقتىڭ ازاماتتىق بورىشى», دەدى ول.
سونداي-اق عىلىم جانە جوعارى ءبىلىم مينيسترلىگى ءتىل ساياساتى كوميتەتىنىڭ توراعاسى ەربول تىلەشوۆ, الاشتانۋشى عالىم, جازۋشى تۇرسىن جۇرتباي, استانا قالاسى تىلدەردى دامىتۋ جانە ارحيۆ ءىسى باسقارماسىنىڭ باسشىسى ساكەن زيابەك ۇلى دا جينالعانداردى تىلدەر مەرەكەسىمەن قۇتتىقتاپ, احمەت بايتۇرسىن ۇلىنىڭ شىعارماشىلىق مۇراسىن ناسيحاتتاۋ تۋرالى سالماقتى ءسوز قوزعادى.
سونىمەن قاتار ءىس-شارا بارىسىندا ءا.مامبەتوۆ اتىنداعى مەملەكەتتىك دراما جانە كومەديا تەاترىنىڭ ارتىستەرى «الاش جولى» قويىلىمىنان ءۇزىندى كورسەتىپ, جاس اقىندار اقاڭا ارنالعان ولەڭدەرىن وقىدى.
