باس شتابتىڭ باستىعى, گەنەرال-لەيتەنانت مارات قۇسايىنوۆ جالپى احۋال جونىندە باياندادى. سودان كەيىن پرەمەر-ءمينيستردىڭ ءبىرىنشى ورىنباسارى رومان سكليار بەينەبايلانىس رەجيمىندە ەلىمىزدىڭ قورعانىس الەۋەتىن ارتتىرۋ ءۇشىن ازىرلەنگەن شارالار تۋرالى بايانداما جاسادى.
ال اسكەر تۇرلەرىنىڭ باس قولباسشىلارى جانە «وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى, سونداي-اق اباي وبلىسىنىڭ اكىمى مەن سولتۇستىك قازاقستان وبلىسى اكىمىنىڭ مىندەتىن اتقارۋشى وزدەرىنە سەنىپ تاپسىرىلعان اۋماقتاعى جۇكتەلگەن مىندەتتەردىڭ ورىندالۋ بارىسى جونىندە باياندادى.
كەڭەس بارىسىندا پرەزيدەنت ارميانى جوعارى تەحنولوگيالىق قارۋ-جاراقپەن جانە اسكەري تەحنيكامەن قامتاسىز ەتۋ قاجەت ەكەنىن اتاپ ءوتتى. سونداي-اق وتاندىق قورعانىس ونەركاسىبى كەشەنىن نىعايتۋدىڭ ماڭىزدىلىعىنا نازار اۋداردى.
