فوتو: تۇركىستان وبلىسى اكىمدىگى. تەلەگرام
ايتا كەتەرلىگى, اتالعان ەكى سپورتشى قازاقستاننىڭ پارااكادەميالىق ەسۋ سپورتى تاريحىندا تۇڭعىش رەت الەم چەمپيوناتىنا قاتىسۋشىلار رەتىندە سپورت جىلناماسىنا ەنىپ وتىر. ەگەر جوعارى ناتيجەگە قول جەتكىزەتىن بولسا, پاريج پاراليمپياداسىنا جولداماعا يە بولادى.
تۇركىستان وبلىسى مەن شىمكەنت قالاسىنىڭ ەسكەك ەسۋ جانە جەلكەندى سپورت قاۋىمداستىعىنىڭ توراعاسى, سۋ سپورتى تۇرلەرىنەن تۇركىستان وبلىستىق سپورت مەكتەبىنىڭ ديرەكتورى دەنيس جارمەنوۆ حالىقارالىق اكادەميالىق ەسكەك ەسۋ فەدەراتسياسىنىڭ (FISA) باسشىسى جان-كريستوف روللانمەن, سونداي-اق حالىقارالىق اكادەميالىق ەسكەك ەسۋ فەدەراتسياسىنىڭ (FISA) باس حاتشىسى ۆينسەنت گەيللاردپەن كەزدەستى. جۇزدەسۋدە تۇركىستان وڭىرىندە اكادەميالىق ەسكەك ەسۋ سپورتىنىڭ دامۋ قارقىنى تۋرالى باياندالىپ, قازاقستاندا اكادەميالىق ەسكەك ەسۋ سپورتىن دامىتۋ بويىنشا بىرلەسە جۇمىس اتقارۋ باستامالارى تالقىلاندى. جان-كريستوف روللانعا قازاقستانعا, ونىڭ ىشىندە تۇركىستان قالاسىنا جۇمىس ساپارىمەن كەلۋ جونىندە ۇسىنىس ايتىلدى.
ايتا كەتەلىك, پارااكادەميالىق سپورتتى دامىتۋ قازاقستان بويىنشا تۇڭعىش رەت تۇركىستان وبلىسىندا قولعا الىنىپ, دامۋ ۇستىندە. بۇل باعىتتا ناقتى جۇمىستار اتقارىلىپ جاتىر. الداعى ۋاقىتتا ايماق سپورتشىلارى پاراليمپيادا ويىندارىنا, الەمدىك دودالارعا كوپتەپ قاتىسادى دەگەن جوسپار بار.
