فوتو: https://polisia.kz/
قوستاناي وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى «قاراسورا – 2023» جەدەل الدىن الۋ شاراسىن وتكىزۋ بارىسىندا ەكى كۇدىكتىنى قاماۋعا العان.
قوستاناي وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى نۇرجان احمەتوۆتىڭ ايتۋىنشا, جەدەل-ىزدەستىرۋ شارالارى بارىسىندا جالدامالى پاتەردە وبلىس ورتالىعىنىڭ 21 جانە 22 جاستاعى ەكى تۇرعىنى ۇستالدى. پاتەردى ءتىنتۋ كەزىندە پوليتسيا قىزمەتكەرلەرى ءتورت كەلىدەن استام ا-PVP ەسىرتكىسىن تاركىلەدى. سونىمەن قاتار ەلەكتروندى تارازىلار, 240 شاعىن-ماگنيتتەر, ەلەكتر تاسپاسى, فولگا جانە ەسىرتكىنى وراۋعا ارنالعان باسقا دا قۇرىلعىلار تابىلدى.
«قارا نارىقتا اسا ءىرى مولشەردە الىنعان سينتەتيكالىق ەسىرتكى پارتياسىنىڭ قۇنى شامامەن 100 ملن تەڭگەنى قۇرايدى. بۇل پارتيادا – 15 مىڭنان استام دوزا بار. كۇدىكتىلەر قاماۋعا الىندى. پوليتسيا قر قك-ءنىڭ 297-بابى 3-بولىگى بويىنشا (ەسىرتكى قۇرالدارىن, پسيحوتروپتىق زاتتاردى, ولاردىڭ انالوگتارىن وتكىزۋ, جونەلتۋ ماقساتىندا زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ) بويىنشا سوتقا دەيىنگى تەرگەپ-تەكسەرۋدى باستادى. باپتىڭ سانكتسياسى اياسىندا قىلمىس جاساعان ادام 15 جىلعا دەيىن باس بوستاندىعىنان ايىرىلىپ, مۇلكى تاركىلەنەدى. جىل باسىنان بەرى قوستاناي وبلىسى پد ەسىرتكى قىلمىسىنا قارسى ءىس-قيمىل قىزمەتكەرلەرى زاڭسىز اينالىمنان 328 كەلى ءتۇرلى ەسىرتكى زاتتارىن تاركىلەدى», دەلىنگەن ىشكى ىستەر مينيسترلىگىنىڭ حابارلاماسىندا.
