«سوڭعى جىلدارى ەلىمىزدە قۇمار ويىنعا تاۋەلدىلىك بەلەڭ الىپ بارادى. كەيبىر وتباسىلار ءۇشىن بۇل ۇلكەن قاسىرەتكە اينالدى», دەدى پرەزيدەنت.
پرەزيدەنت وسى جامان ادەتكە, اسىرەسە, جاستار اۋەس ەكەنىنە نازار اۋدارىپ, مەملەكەتتىك ورگاندارعا ازاماتتاردىڭ جەكەلەگەن ساناتتارى ءۇشىن قۇمار ويىندارعا قاتىستى شەكتەۋلەردى كۇشەيتۋدى تاپسىردى.
«لۋدومانياعا قارسى كۇرەستە تاربيە ءىسى مەن ءتۇسىندىرۋ جۇمىستارىنا ەرەكشە ءمان بەرىلۋگە ءتيىس», دەدى پرەزيدەنت. وسىعان بايلانىستى مەملەكەت باسشىسى سالالىق مينيسترلىكتەرگە ناقتى مىندەتتەر جۇكتەدى.
سونىمەن قاتار قاسىم-جومارت توقاەۆ قۇمار ويىنعا تاۋەلدى ازاماتتاردىڭ قاتىسى بار قىلمىستار كوبەيگەنىنە قۇقىق قورعاۋ ورگاندارىنىڭ نازارىن اۋدارىپ, الدىن الۋ جۇمىستارىن جۇرگىزىپ, زاڭدىلىق پەن قۇقىقتىق ءتارتىپتى قامتاماسىز ەتۋ ءۇشىن شارالار قابىلداۋ جونىندە تاپسىرما بەردى.
پرەزيدەنت ەلىمىزدە لۋدومانيانىڭ بەلەڭ الۋىنا قارسى باعىتتالعان الەۋمەتتىك داعدىلاردى قالىپتاستىرۋدا قوعامنىڭ, ءدىن قىزمەتكەرلەرىنىڭ جانە بۇقارالىق اقپارات قۇرالدارىنىڭ اتقاراتىن ءرولى ەرەكشە ەكەنىن اتاپ ءوتتى.
سونداي-اق مەملەكەت باسشىسى ويىن بيزنەسى سالاسىنداعى قارجىلىق جانە باسقا دا قۇقىق بۇزۋشىلىقتاردىڭ الدىن الۋ جۇمىستارىن جانداندىرۋ قاجەت ەكەنىنە نازار اۋداردى.
«بارلىق قارجى قوزعالىسىن قاداعالاپ, زاڭعا قايشى ارەكەت انىقتالعان جاعدايدا ءتيىستى شارالار قابىلداۋ ماڭىزدى», دەدى پرەزيدەنت.
جيىن بارىسىندا ۇكىمەت مۇشەلەرى مەن بىرقاتار مەملەكەتتىك ورگان باسشىلارى بايانداما جاسادى.
كەڭەس وتىرىسىنىڭ قورىتىندىسى بويىنشا قاسىم-جومارت توقاەۆ حالىق اراسىنداعى قۇمار ويىنعا تاۋەلدىلىكپەن كۇرەسۋ ءۇشىن زاڭنامالىق, ۇيىمداستىرۋشىلىق جانە اقپاراتتىق-يدەولوگيالىق شارالار كەشەنىن قابىلداۋدى تاپسىردى.
