فوتو: «قازمۇنايگاز» ۇك اق ءباسپاسوز قىزمەتى
جاڭاوزەن قالاسىنا اۋىز سۋ «استراحان-ماڭعىستاۋ» سۋ قۇبىرىمەن قيعاش وزەنىنەن جايىق سۋىن تاسىمالداۋ ارقىلى جەتكىزىلەدى. بۇگىنگى تاڭدا بۇل – اتىراۋ جانە ماڭعىستاۋ وبلىستارىنىڭ بىرقاتار ەلدى مەكەندەرى پايدالانىپ وتىرعان جالعىز تىرشىلىك كوزى. حالىق سانىنىڭ ءوسۋى جانە جاڭا كاسىپورىنداردىڭ اشىلۋى سۋ تۇتىنۋ كولەمىنىڭ كۇننەن كۇنگە ارتۋىنا اسەر ەتىپ جاتقانىن ايتا كەتۋ كەرەك.
قاراقيا اۋدانىنداعى توقىماق توڭىرەگىندە قۋاتى تاۋلىگىنە 50 مىڭ تەكشە مەتردى قۇرايتىن تەڭىز سۋىن تۇششىتۋ زاۋىتىنىڭ قۇرىلىسى جاڭاوزەن حالقىن اۋىز سۋمەن قامتاماسىز ەتۋگە مۇمكىندىك بەرەدى.
«قازمۇنايگاز» ۇك اق باسقارما توراعاسى ماعزۇم مىرزاعاليەۆ جينالعانداردى ايتۋلى وقيعامەن قۇتتىقتاپ, ءوڭىردىڭ الەۋمەتتىك ماسەلەلەرىن شەشەتىن بۇل جوبانىڭ ستراتەگيالىق ماڭىزى جوعارى ەكەنىن ايتتى.
«شالعايدا تۇراتىن حالىقتىڭ ءال-اۋقاتىن جاقسارتۋ - قازمۇنايگازدىڭ باستى ماقساتتارىنىڭ ءبىرى. مەملەكەت باسشىسىنىڭ تىكەلەي تاپسىرماسىن ساپالى ءارى قىسقا مەرزىمدە ورىنداپ, جاڭاوزەندەگى اۋىز سۋ تاپشىلىعىنا قاتىستى ماسەلەنى تۇبەگەيلى شەشۋ قاجەت», دەدى قمگ باسشىسى.
ايتا كەتسەك, سۋ تۇششىتۋ زاۋىتىن سالۋ وڭىردە جۇزدەگەن جاڭا جۇمىس ورنىن اشۋعا مۇمكىندىك بەرەدى. قۇرىلىس كەزىندە 240 ادام, زاۋىت ىسكە قوسىلعاننان كەيىن 100-دەن استامى جۇمىسپەن قامتىلادى.
ءوز كەزەگىندە, ماڭعىستاۋ وبلىسىنىڭ اكىمى نۇرلان نوعاەۆ جاڭا ءوندىرىس ورنى ءوڭىر ەكونوميكاسىنىڭ دامۋىنا وڭ اسەر ەتەتىنىن مالىمدەدى.
«پرەزيدەنت قاسىم-جومارت توقاەۆ ماڭعىستاۋ وبلىسىنا جۇمىس ساپارى بارىسىندا حالىقتى ساپالى اۋىز سۋمەن قامتۋدىڭ ماڭىزدىلىعىنا توقتالىپ, ۇكىمەت پەن وبلىس اكىمدىگىنە سۋمەن قامتۋ ماسەلەسىن شەشۋدى تاپسىردى. وسى ماقساتتا وڭىردە بىرنەشە جوبا ىسكە اسىرىلىپ جاتىر. توقىماق توڭىرەگىندە سۋ تۇششىتۋ زاۋىتىن سالۋ «استراحان-ماڭعىستاۋ» قۇبىرىنان كەلەتىن سۋعا قوسىمشا رەتىندە جاڭاوزەن جانە باسقا دا ەلدى مەكەندەردى سۋمەن قامتاماسىز ەتۋگە مۇمكىندىك بەرەدى. بۇل ءتۋريزمدى, كاسىپكەرلىكتى جانە اۋىل شارۋاشىلىعىن دامىتۋعا مۋلتيپليكاتيۆتى اسەر ەتەدى», دەدى ن.نوعاەۆ.
قۇرىلىس الدىن الا جوسپارعا ساي 2024 جىلدىڭ سوڭىڭا قاراي اياقتالادى. ال 2025 جىلدىڭ كوكتەمىندە ءوندىرىس ورنى تولىق جوبالىق قۋاتىنا شىعادى دەپ جوسپارلانىپ وتىر.
