بۇل اۋىلعا مەكتەپ كەرەك-اق ەدى. سەبەبى استاناعا جاقىن ورنالاسقان اتالعان ەلدى مەكەندە حالىق سانى جىل سايىن كوبەيىپ كەلەدى. اۋىلداعى ەكى مەكتەپ جەتكىلىكسىز بولدى. جاڭا وقۋ جىلى قارساڭىندا 300 ورىنعا ارنالعان ءبىلىم ورداسىنىڭ تابالدىرىعىن 435 وقۋشى اتتاپ وتىر. مەكتەپ ەندى ەكى اۋىسىممەن جۇمىس ىستەيتىن بولادى. كەلەسى جىلى «جايلى مەكتەپ» باعدارلاماسى اياسىندا اۋىلدا تاعى دا 1 200 ورىندىق مەكتەپتىڭ قۇرىلىسى باستالادى دەپ جوسپارلانعان.
جاڭا مەكتەپتە 20 وقۋ كابينەتى, اكت, سپورتزالدارى, فيزيكا جانە حيميا پاندەرىنە ارنالعان ارنايى كابينەتتەر, لينگوفوندى, كومپيۋتەرلىك سىنىپتار, وقۋ زالى قامتىلعان كىتاپحاناسى بار. قازاق جانە ورىس تىلدەرىندە ءبىلىم بەرەتىن ەكى قاباتتى نىساننىڭ قۇرىلىسىنا مەملەكەتتەن 1,7 ملرد تەڭگەدەن اسا قارجى جۇمسالدى. ءبىلىم وشاعى ديرەكتورىنىڭ مىندەتىن اتقارۋشى گۇلنار اۋباكىروۆا مەكتەپتىڭ اشىلۋ سالتاناتىندا جاس ۇرپاقتىڭ ساپالى ءبىلىم مەن سانالى تاربيە الۋلارىنا جاسالعان قولداۋعا العىسىن ءبىلدىردى. ليتسەيدە 50-دەن استام مۇعالىم ەڭبەك ەتپەك.
اقمولا وبلىسى
