قىزمەتكە ازاماتتىڭ تەك ءوزىنىڭ ءوتىنىش بەرۋگە مۇمكىندىگى بار. نەسيە مەن ميكروقارىزدى راسىمدەۋگە تىيىم سالۋ 6 ايعا بەلگىلەنەدى جانە مەرزىمى وتكەننەن كەيىن اۆتوماتتى تۇردە الىنىپ تاستالادى.
سونداي-اق بۇل شەكتەۋلەردى كەز كەلگەن ۋاقىتتا الىپ تاستاۋعا بولادى. ول ءۇشىن بانكتىك قارىزداردى الۋدان ەرىكتى تۇردە باس تارتۋ قىزمەتىن مەرزىمىنەن بۇرىن توقتاتۋعا ءوتىنىم بەرۋ قاجەت.
«بۇل فۋنكتسيا ەڭ الدىمەن, ادامداردىڭ قاۋىپسىزدىگى ءۇشىن ىسكە قوسىلدى. ءبىز وسى ارقىلى ەل ازاماتتارىن قارىزدى زاڭسىز راسىمدەۋگە تىرىساتىن الاياقتاردان قورعاپ, كومەكتەسكىمىز كەلەدى», دەپ جازدى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين ءوزىنىڭ Facebook-تەگى جەكە پاراقشاسىنا.
ايتا كەتەيىك, ءدال وسىنداي سەرۆيس ءبىرىنشى نەسيە بيۋروسىنىڭ سايتىندا اقىلى نەگىزدە قولجەتىمدى. ەلەكتروندى ۇكىمەت پورتالىندا ءوتىنىم بەرگەن كەزدە كرەديتتەردى الۋدان ەرىكتى تۇردە باس تارتۋ تەگىن جۇزەگە اسىرىلادى. ء«بىز ءبىرىنشى نەسيە بيۋروسى مەن ەلەكتروندى ۇكىمەتتىڭ جۇيەلەرىن بىرىكتىردىك. ياعني, بۇرىن ازاماتتارىمىز بيۋرو ارقىلى ءوتىنىش بەرەتىن بولسا, ال ەندى نەسيەدەن باس تارتۋدى eGov.kz اياسىندا راسىمدەي الادى. قازىر بۇل فۋنكتسيا قولجەتىمدى», دەپ ناقتىلادى مينيستر.
قارىز الۋدان ەرىكتى تۇردە باس تارتۋ سەرۆيسى eGov.kz mobile ءموبيلدى قوسىمشاسىنىڭ باستى بەتىندە, «تانىمال قىزمەتتەر» بولىمىندە قولجەتىمدى. وسىعان ۇقساس قىزمەتتى eGov.kz پورتالىنداعى «ازاماتتارعا» – «كەدەن جانە سالىقتار» – «ەكونوميكا جانە قارجى» بولىمىنەن الۋعا بولادى.
«بۇل سەرۆيس جەكە تۇلعانىڭ بانكتىك قارىزدار مەن ميكروكرەديتتەر الۋدان ەرىكتى تۇردە باس تارتۋدى جويۋ قۇقىعىن بەكىتۋدى جانە قارىز الۋشىنىڭ كرەديتتىك تاريحىندا نەسيە الۋدان ەرىكتى تۇردە باس تارتۋ تۋرالى اقپارات بولعان كەزدە جەكە تۇلعاعا نەسيە بەرۋگە بانكتەر مەن ميكروقارجى ۇيىمدارى ءۇشىن تىيىم سالۋدى كوزدەيتىن زاڭنامالىق اكتىلەرگە ازىرلەنگەن تۇزەتۋلەر شەڭبەرىندە ىسكە اسىرىلعانىن اتاپ وتكىم كەلەدى. سەرۆيسكە تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى مەملەكەتتىك كورسەتىلەتىن قىزمەتتەر كوميتەتىنىڭ, ءبىرىنشى نەسيە بيۋرونىڭ جانە «ۇلتتىق اقپاراتتىق تەحنولوگيالار» اكتسيونەرلىك قوعامى اقپاراتتىق جۇيەلەرىنىڭ ينتەگراتسياسى ناتيجەسىندە قول جەتكىزدىك», دەدى مينيستر.
