ۋنيۆەرسيتەت • 02 قىركۇيەك, 2023

تۇرىك ءتىلىن وقىتۋ ورتالىعى اشىلدى

373 رەت

كورسەتىلدى

1 مين

وقۋ ءۇشىن

86 جىلدىق تاريحى بار ىرگەلى وقۋ ورنى ءو.جانىبەكوۆ اتىنداعى وڭتۇستىك قازاقستان پەداگوگيكالىق ۋنيۆەرسيتەتى – وسى كۇندەرى گازي جانە انكارا ۋنيۆەرسيتەتتەرىنىڭ ستراتەگيالىق سەرىكتەسى. تامىرى مەن ءتۇبى ءبىر ەكى ەل اراسىندا ورناعان بايلانىستى دامىتۋ ماقساتىندا وقۋ ورنى بازاسىندا 1 قىركۇيەك كۇنى تۇرىك ءتىلى ورتالىعى اشىلدى. بۇل تۋرالى عىلىم جانە جوعارى ءبىلىم مينيسترلىگىنىڭ ءباسپاسوز قىزمەتى ءمالىم ەتتى, دەپ حابارلايدى Egemen.kz.

شىڭعىس مۇقاەۆ

فوتو: عىلىم جانە جوعارى ءبىلىم مينيسترلىگى

ورتالىق TİKA ۇيىمىنىڭ قولداۋىمەن زاماناۋي ۇلگىدە جابدىقتالعان.

سالتاناتتى اشىلۋ راسىمىنە تۇركى الەمىنىڭ ناعىز جاناشىرلارى – تۇركيا رەسپۋبليكاسى تۇرىك ىنتىماقتاستىق جانە ۇيلەستىرۋ اگەنتتىگىنىڭ قازاقستان كوورديناتورى حۋسەين حيكمەت وزدەنوۋلۋ, قوجا احمەت ياساۋي اتىنداعى حقتۋ وكىلەتتى كەڭەس توراعاسى, پروفەسسور مۋحيتتين شيمشەك, تۇركيا رەسپۋبليكاسىنىڭ شىمكەنت قالاسىنداعى قۇرمەتتى كونسۋلدىعىنىڭ كونسۋلى لاتيپشا اسانوۆ سىندى قۇرمەتتى قوناقتار مەن جوو رەكتورى گۇلجان سۇگىرباەۆا باستاعان ۇجىم مۇشەلەرى قاتىستى.