فوتو: https://qazaqstan.tv/
مەملەكەت باسشىسىنىڭ بيىلعى جولداۋىندا تۋريزم سالاسىنىڭ ماسەلەسى دە شەت قالمادى. ءبىز ءتۋريزمدى جولعا قويۋ ءۇشىن جولدى دۇرىس تەگىستەۋدەن, كەدىر-بۇدىرىن بۇتىندەۋدەن باستاۋىمىز كەرەك. ۇلان-عايىر جەرىمىزدە ءتۋريزمدى ورىستەتىپ, كورىكتى مەكەنىمىزدى تۋريستەرگە كورسەتۋدە جولدىڭ اۋىرتپالىعى ايتارلىقتاي سەزىلەدى.
مىسالى تۇركىستاننان شىققان تۋريست شارىندى كورۋى ءۇشىن ءبىر كۇن جول جۇرەدى. الاكولدىڭ سۋىنان سايا ىزدەپ, باتپاعىنان شيپا سۇراپ بارۋشىلاردى ويدىم-ويدىم جولدىڭ شۇڭقىرى سىلەلەتىپ تاستايدى. باسقا دا ماسەلەلەر شاش-ەتەكتەن. جولداۋدا قامتىلعان تۇيتكىلدىڭ ءتۇيىنى ۋاقىتىندا شەشىلۋى كەرەك, اتقارۋشى ورىندار سوعان بىلەك سىبانا كىرىسسە ەندى.
جولداۋدا اۋىل شارۋاشىلىعىن دامىتۋ جايى دا قامتىلدى. جۇزەگە اسىرىلىپ كەلە جاتقان اۋىل شارۋاشىلىعى سالاسىنا قاتىستى باعدارلامالار ورتا جولدا ءۇزىلىپ قالماۋى ءتيىس. پرەزيدەنت اتاعان ماشينا-تراكتور پاركىنىڭ ابدەن توزىعى جەتسە, اۋىلشارۋاشىلىعى سالاسىنىڭ تەحنيكاسى ەسكىرمەي قايتەدى؟ پرەزيدەنتتىڭ ايتقان سىن-ەسكەرتپەسى ەسكەرىلىپ, جۇكتەلگەن مىندەتتەمەلەر ۋاقىتىندا ورىندالسا بولعانى.
دۋلات يسابەكوۆ,
قازاقستاننىڭ ەڭبەك ەرى,
جازۋشى, دراماتۋرگ
