فوتو: اشىق دەرەككوز
بۇگىندە 194 ءبىلىم بەرۋ ۇيىمىندا كۇردەلى جوندەۋ جۇمىستارى اياقتالادى. مەملەكەت باسشىسى قاسىم-جومارت توقاەۆتىڭ تاپسىرماسى بويىنشا جىل سوڭىنا دەيىن شاعىن قالالاردا, اۋدان ورتالىقتارىندا جانە اۋىلداردا ورنالاسقان 1 000 مەكتەپ التى باعىت بويىنشا جاڭعىرتۋدان وتەدى: كۇردەلى جانە اعىمداعى جوندەۋ, ءپان كابينەتتەرىن جابدىقتاۋ, مەكتەپ جيھازدارىن, كىتاپحانالاردى, اسحانالاردى جاڭارتۋ, سونداي-اق بالالاردىڭ قاۋىپسىزدىگىن قامتاماسىز ەتۋ. وعان قوسا 1 000 پاندىك كابينەت اشۋ جوسپارلانىپ وتىر, سونداي-اق قوسىمشا 749 پاندىك كابينەت ساتىپ الىنادى.
ءبىلىم بەرۋ ينفراقۇرىلىمىن قولداۋ قورىنىڭ ارقاسىندا 1 قىركۇيەككە دەيىن 25 مىڭ ورىندىق 13 مەكتەپ, سونداي-اق جەرگىلىكتى بيۋدجەت جانە جەكە ينۆەستيتسيا ەسەبىنەن 30 مىڭ ورىندىق 26 مەكتەپ اشىلادى.
ايتا كەتسەك, قازاقستاندا «جايلى مەكتەپ» ۇلتتىق جوباسى باستاۋ الدى. جوبا شەڭبەرىندە 740 مىڭ وقۋشىعا ارنالعان 369 مەكتەپ سالۋ كوزدەلىپ وتىر.
مەملەكەت جىل سايىن مەكتەپتەردىڭ قۇرىلىسى مەن جاڭعىرتۋ جۇمىستارىنا قارجى ءبولىپ كەلەتىنىن دە ايتا كەتۋ كەرەك. ماسەلەن, سوڭعى ءۇش جىل ىشىندە 340 مىڭ ورىندىق 626 مەكتەپ پايدالانۋعا بەرىلدى.
