قازىرگى كەزدە تاعام قاۋىپسىزدىگىن كۇشەيتۋ ءارى بالالارعا قۇنارلى تاماق بەرۋدى ماقسات ەتكەن الماتى اكىمدىگى قازاق تاعامتانۋ اكادەمياسى جانە ۇلتتىق سالاۋاتتى تاماقتانۋ ورتالىعىمەن بىرلەسىپ «وقۋشىلاردىڭ دەنساۋلىعىن باسقارۋ» مەكتەپ تاعامدارىنىڭ جاڭا مودەلىنىڭ قاناتقاقتى جوباسىن ازىرلەپ جاتىر.
سونداي-اق قالا باسشىلىعى بالالاردىڭ قاۋىپسىزدىگىن دە نازاردا ۇستاپ وتىر. وسى ورايدا 206 مەملەكەتتىك مەكتەپتە, 8 ينتەرناتتا جانە 193 مەملەكەتتىك بالاباقشادا وسى جىلدىڭ سوڭىنا دەيىن قاۋىپسىزدىك جۇيەسىن ىسكە قوسپاقشى. بۇل باعىتتاعى جۇمىستار جالپى قۇنى 7,6 ملرد تەڭگەنى قۇرايتىن ءۇش جىلدىق سەرۆيستىك مودەل اياسىندا قارجىلاندىرىلادى.
بالالار قاۋىپسىزدىگىن قامتاماسىز ەتۋدە مەكتەپ كولىكتەرىنىڭ جۇمىسىن ۇيلەستىرۋ دە اسا ماڭىزدى. بيىلعى وقۋ جىلىندا «مەكتەپ اۆتوبۋسى» جوباسىن ىسكە اسىرۋ ءۇشىن 100 اۆتوبۋس ساتىپ الىنىپ, وعان جەرگىلىكتى بيۋدجەتتەن 5,2 ملرد تەڭگە قاراستىرىلعان. بالالاردى تاسىمالداۋ قىزمەتىنە 1,4 ملرد تەڭگە ءبولىنىپ وتىر. جوبا اياسىندا 7,7 مىڭنان استام بالانى قامتۋ جوسپارلانعان. كەلەسى جىلى تاعى دا 11 مەكتەپ 50 اۆتوبۋسپەن قامتاماسىز ەتىلەتىن بولادى.
الماتى
