«AMANAT» پارتياسى فراكتسياسىنىڭ كەڭەيتىلگەن وتىرىسىندا ءسوز سويلەگەن پرەمەر-مينيستر ءاليحان سمايىلوۆ جىل سوڭىنا دەيىن ستۋدەنتتەر ءۇشىن سالىنىپ جاتقان بىرنەشە جاتاقحانا پايدالانۋعا بەرىلەتىنىن ايتتى.
«ستۋدەنتتەردى جاتاقحانامەن قامتاماسىز ەتۋ - ماڭىزدى ماسەلە. 2020 جىلدان باستاپ جىل سايىن جاتاقحانالاردا 10 مىڭ ورىن پايدالانۋعا بەرىلىپ كەلەدى. جاتاقحانالار قۇرىلىسى مەملەكەتتىك سۋبسيديالاۋ باعدارلاماسى شەڭبەرىندە ىسكە اسىرىلادى. بۇگىنگى تاڭدا 99 جاتاقحانا پايدالانۋعا بەرىلدى. جىل سوڭىنا دەيىن تاعى 32 جاتاقحانا ەسىگىن ايقارا اشادى دەپ جوسپارلانىپ وتىر. ەرتەڭنەن باستاپ حالىقتىڭ الەۋمەتتىك وسال توپتارىنىڭ, جەكەلەگەن ساناتقا جاتاتىن, باسقا قالادان كەلگەن ستۋدەنتتەردىڭ جاتاقحانادا تۇرۋ شىعىندارى وتەلەدى. تاعى ءبىر جاعىمدى جاڭالىق - جاڭا وقۋ جىلىنان باستاپ جوعارى وقۋ ورىندارىنىڭ پروفەسسور, وقىتۋشىلار قۇرامىنىڭ جالاقىسى 20 پايىزعا ارتادى», دەدى ۇكىمەت باسشىسى.
